Viktar Ivaškievič: «Ułada na duch nie pieranosić usio biełaruskaje. Na fonie jaje staŭleńnia da našych nacyjanalnych symbalaŭ vielmi dziŭnym vyhladajuć zakliki zabyć minuŭščynu i baranić niezaležnaść razam. Jakaja moža być supolnaja baraćba, kali ŭłada tak abychodzicca z našaj moładździu?»
Viktar Ivaškievič: «Ułada na duch nie pieranosić usio biełaruskaje. Na fonie jaje staŭleńnia da našych nacyjanalnych symbalaŭ vielmi dziŭnym vyhladajuć zakliki zabyć minuŭščynu i baranić niezaležnaść razam. Jakaja moža być supolnaja baraćba, kali ŭłada tak abychodzicca z našaj moładździu?»
Niekalki sotniaŭ aktyvistaŭ demakratyčnaha ruchu, u tym liku siabry Partyi BNF, moładzi BNF, moładzievaj inicyjatyvy «Pravy Aljans» i valantery svabody, pryniali ŭdzieł u masavaj akcyi padčas rycarskaha festu ŭ Navahradku.
Ad samaj ranicy udzielniki akcyi razdavali minakam znački «Za svabodu», «Dałučajsia». Ludzi z zadavalnieńniem ich brali i čaplali na siabie. Praź niekatory čas milicyja masava pačała zatrymlivać ludziej sa značkami i ich kanfiskoŭvać.
Hetaksama milicyja zatrymlivała i pierapisvała imiony ludziej, jakija mieli z saboj dreŭki, pravodziła ahlad asabistych rečaŭ, kanfiskoŭvała nacyjanalnyja ściahi j dreŭki. Pavodle słovaŭ arhanizatara akcyi, namieśnika staršyni Partyi BNF Viktara Ivaškieviča, da akcyi było padrychtovana 80 ściahoŭ, ale ŭžo da pačatku akcyi pałova ź ich była kanfiskavanaja. Milicyja dziejničała vielmi niedaliktana, siarod zatrymanych časam apynalisia i rycary – udzielniki Festu.
Da akcyi dałučylisia i miascovyja žychary, aktyvisty kampanii «Za svabodu» i Partyi BNF. Prykładna ŭ 16:00 niekalki bieł-čyrvona-biełych ściahoŭ byli ŭźniatyja z voknaŭ i dachaŭ budynkaŭ u centry horada.
U apafejozie festyvalu, padčas imitacyi šturmu zamkavaj hary, adbyłasia najvialikšaja častka navahradzkaj akcyi. Moładź uźniała kala 20 ściahoŭ u roznych miescach šmattysiačnaha hladackaha natoŭpu. Heta momant byŭ sustrety avacyjaj i masavym skandavańniem hledačami «Žyvie Biełaruś!» Milicyja zreahavała vielmi žorstka i na praciahu 10 chvilinaŭ z užyvańniem siły i pahrozaŭ aryštavała ŭsich udzielnikaŭ akcyi i adviezła ŭ miascovy RUUS. Siarod zatrymanych siabry moładzi BNF i «Pravaha Aljansu»
Zadačami akcyi było nahadać biełaruskaj hramadzkaści pra nacyjanalnyja symbali, ich nieadjemnaść u biełaruskaj kultury i historyi, taksama pryciahnuć ludziej da aktyŭnaj hramadzianskaj pazycyi. Viktar Ivaškievič akramia hetaha bačyć i inšyja stanoŭčyja vyniki akcyi: «Heta byŭ masavy treninh dla śviežaj moładzi, jakaja zusim niadaŭna dałučyłasia da dziejnaści. My pabačyli nastroi ŭ hramadztvie, jany vielmi pazytyŭnyja, ludzi nastrojenyja na zmahańnie. Na žal, akcyja jašče raz pakazała, što ŭłada na duch nie pieranosić usio biełaruskaje. Na fonie jaje staŭleńnia da našych nacyjanalnych symbalaŭ vielmi dziŭnym vyhladajuć zakliki zabyć minuŭščynu i baranić niezaležnaść razam. Jakaja moža być supolnaja baraćba, kali ŭłada tak abychodzicca z našaj moładździu?»
Ciapier čytajuć
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty6
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary