Staršynia Dziaržsavieta KNDR Kim Čen Yn abviaściŭ pra pačatak pieryjadu farsiravanaha raźvićcia krainy, što, jak čakajecca, dazvolić da kanca hoda zrabić mahutny ryvok dla dasiahnieńnia ekanamičnych i inšych metaŭ, piša TASS.
Pra heta jon zajaviŭ na naradzie Palitbiuro CK Pracoŭnaj partyi Karei.
«Na pasiadžeńni ŭ jakaści pieršaha punkta paradku abmiarkoŭvałasia pytańnie ab paśpiachovaj padrychtoŭcy da 8-ha źjezda šlacham praviadzieńnia dynamičnaha 80-dzionnaha boju z udziełam usioj partyi, usioj krainy i ŭsiaho naroda», — havorycca ŭ paviedamleńni.
Akramia taho, na plenumie było pryniata rašeńnie «prasłavić 75-ju hadavinu zasnavańnia PPK», jakaja budzie adznačacca 10 kastryčnika, jak «vialikaje śviata Pieramohi i prahresu, z honaram zaviaršyć baraćbu hetaha hoda ŭ pryŭźniatym nastroi i sustreć VIII źjezd partyi ź vialikim palityčnym entuzijazmam i pracoŭnymi podźvihami».
