U Kramli niama detalovaj infarmacyi pra toje, ci pravodziłasia rasijskim bokam ekśpiertyza sapraŭdnaści pierachoplenych biełaruskim bokam pieramoŭ pamiž Varšavaj i Bierlinam, ale ŭpeŭnienyja, što śpiecsłužby RF zrabili z hetymi materyjałami toje, što było nieabchodna, zajaviŭ pres-sakratar prezidenta Rasii Dźmitryj Piaskoŭ, piša Interfaks.
«U nas niejkaj detalovaj infarmacyi na hety kont niama, ale vidavočna, što rasijskija śpiecyjalnyja słužby zrabili z hetymi zapisami toje, što było nieabchodna», — skazaŭ jon žurnalistam.
Pry hetym pradstaŭnik Kramla admoviŭsia kankretyzavać, što mienavita było nieabchodna zrabić z hetymi zapisami.
9 vieraśnia Alaksandr Łukašenka zajaviŭ, što nakiravaŭ dyrektaru FSB Alaksandru Bortnikavu aryhinał zapisu pierachoplenych raźviedkaj pieramovaŭ Varšavy i Bierlina, u jakich zhadvaŭsia apazicyjanier Alaksiej Navalny. «U nas zastałasia kopija, a aryhinał u jaho (Bortnikava)», — skazaŭ Łukašenka ŭ intervju rasijskim ŚMI.
