Kiraŭniki MZS ES na sustrečy ŭ Luksiemburhu ŭzhadnili ahulnuju pazicyju ES pa ŭviadzieńni sankcyj suprać prezidenta Biełarusi Alaksandra Łukašenki.
Jak paviedamiła TASS u paniadziełak jeŭrapiejskaja dypłamatyčnaja krynica, šturškom dla hetaha rašeńnia pasłužyła inaŭhuracyja biełaruskaha kiraŭnika.
Kiraŭniki MZS ŭzhadnili adzinuju pazicyju ab uklučeńni ŭ «čorny śpis» dla Biełarusi Alaksandra Łukašenki, prymajučy pad uvahu jaho inaŭhuracyju paśla vybaraŭ, jakija nie byli svabodnymi i spraviadlivymi», — zajaviŭ surazmoŭca ahienctva.
Farmalnaje zaćviardžeńnie dapaŭnieńniaŭ u čorny śpis i ich ustupleńnie ŭ siłu adbudziecca paźniej, skazała inšaja krynica. «Ministry damovilisia praciahnuć pracu pa ŭklučeńni ŭ [čorny] śpis novych fihurantaŭ, uklučajučy Łukašenku», — zajaviŭ jeŭrapiejski dypłamat.
Jon adznačyŭ, što hetaja pazicyja budzie ahučanaja na samicie ES 15-16 kastryčnika. Zatym źniešniepalityčnaja słužba padrychtuje novuju redakcyju čornaha śpisa, jakaja ŭstupić u siłu paśla jaje farmalnaha zaćviardžeńnia ŭ Saviecie ES i publikacyi ŭ Aficyjnym časopisie ES.
Praktyka pakazvaje, što na poŭnuju realizacyju ŭsioj hetaj pracedury moža syści ad tydnia da niekalkich miesiacaŭ. Da pasiadžeńnia Rady ES na ŭzroŭni kiraŭnikoŭ MZS šerah krain supolnaści prapanoŭvaŭ ustrymacca ad adrasnych sankcyj suprać Alaksandra Łukašenki, kab zachavać mahčymaść dla dyjałohu ź Minskam.
Kamientary