Siabroŭcy siamji Babaryki, jakaja trapiła ŭ SIZA KDB, praciahnuli termin aryštu
Sud Centralnaha rajona Minska adchiliŭ skarhu na padaŭžeńnie terminu ŭtrymańnia pad vartaj Śviatłany Kuprejevaj, siabroŭki siamji Babaryki. Pra heta raspavioŭ advakat Jaŭhien Pylčanka. Taksama jon adznačyŭ, što hetaje rašeńnie budzie abskardžana ŭ Minskim haradskim sudzie, paviedamlaje Tut.by.
11 kastryčnika Śviatłanie Kuprejevaj sud padoŭžyŭ termin utrymańnia pad vartaj da 6 miesiacaŭ. Jaje advakat padaŭ skarhu na hetaje rašeńnie. Siońnia sud Centralnaha rajona Minska jaje razhledzieŭ.
— Skarhu adchilili, — kaža Jaŭhien Pylčanka. — Na praciahu 24 hadzin možna padać skarhu ŭ Minski haradski sud, što ja i zrablu. I sud jaje razhledzić. Kali i hety raz jaje adchilać, a śledstva samo nie zachoča źmianić mieru strymańnia, to Śviatłana zastaniecca pad vartaj da 11 śniežnia.
Nahadajem, Śviatłana Kuprejeva — blizkaja siabroŭka siamji Babaryki i były člen jaho inicyjatyŭnaj hrupy, ciapier na piensii, ale padzarablała ŭ drobnych firmach buchhałtaram. Pad vartaj jana znachodzicca ŭžo bolš za 4 miesiacy. Jaje zatrymali 11 červienia i źmiaścili ŭ SIZA KDB spačatku ŭ jakaści zatrymanaj, a z 13 červienia — zaklučanaj pad vartu.
Kamientary