Сяброўцы сям'і Бабарыкі, якая трапіла ў СІЗА КДБ, працягнулі тэрмін арышту
Суд Цэнтральнага раёна Мінска адхіліў скаргу на падаўжэнне тэрміну ўтрымання пад вартай Святланы Купрэевай, сяброўкі сям'і Бабарыкі. Пра гэта распавёў адвакат Яўген Пыльчанка. Таксама ён адзначыў, што гэтае рашэнне будзе абскарджана ў Мінскім гарадскім судзе, паведамляе Tut.by.
11 кастрычніка Святлане Купрэевай суд падоўжыў тэрмін утрымання пад вартай да 6 месяцаў. Яе адвакат падаў скаргу на гэтае рашэнне. Сёння суд Цэнтральнага раёна Мінска яе разгледзеў.
— Скаргу адхілілі, — кажа Яўген Пыльчанка. — На працягу 24 гадзін можна падаць скаргу ў Мінскі гарадскі суд, што я і зраблю. І суд яе разгледзіць. Калі і гэты раз яе адхіляць, а следства само не захоча змяніць меру стрымання, то Святлана застанецца пад вартай да 11 снежня.
Нагадаем, Святлана Купрэева — блізкая сяброўка сям'і Бабарыкі і былы член яго ініцыятыўнай групы, цяпер на пенсіі, але падзарабляла ў дробных фірмах бухгалтарам. Пад вартай яна знаходзіцца ўжо больш за 4 месяцы. Яе затрымалi 11 чэрвеня і змясцілі ў СІЗА КДБ спачатку ў якасці затрыманай, а з 13 чэрвеня — заключанай пад варту.
-
Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук
-
Пазняк: Выпускаюць толькі прарасійскіх людзей, а не беларускіх патрыётаў
-
Лідар на Пірэнеях. З'явіўся «народны» рэйтынг устаноў, праз якія яшчэ можна атрымаць шэнгенскую візу
Каментары