«Chaču padtrymać advažnych biełarusaŭ, jakija padvierhnulisia represijam». Supracoŭnik Hienprakuratury pakidaje słužbu
Jak stała viadoma Tut.by, za apošni čas z Hienprakuratury zvolnilisia adrazu niekalki vysakakłasnych śpiecyjalistaŭ. Pryčyna — niazhoda z tym, jakuju pazicyju zaniało viedamstva ŭ adnosinach da hramadzian, jakich pieraśledujuć za vykazvańnie mierkavańnia, u tym liku da paciarpiełych ad dziejańniaŭ siłavikoŭ. Nahadajem, u śledčyja orhany pastupiła bolš za 1800 zajaŭ, adnak nieviadoma pra nivodnuju kryminalnuju spravu.
Aleh Talerčyk 19 hadoŭ prapracavaŭ u prakuratury, apošnija dzieviać hadoŭ — u Hienprakuratury, byŭ staršym prakuroram upraŭleńnia pa nahladzie za vykanańniem zakanadaŭstva Śledčym kamitetam. Da 20-hadovaha stažu dziaržsłužačaha, jaki daje prava na pavyšanuju piensiju ŭ nastupnym, jamu zastavałasia krychu bolš za hod. Aleh pahadziŭsia koratka prakamientavać svajo rašeńnie:
— Heta byŭ unutrany ekzamien dla samoha siabie, — rastłumačyŭ surazmoŭca. — Ja vyrašyŭ raskazać ab svaim rašeńni, kab simvalična padtrymać advažnych biełarusaŭ, jakija padvierhlisia represijam. Jak prafiesijanał u hetaj situacyi ja im dapamahčy, na žal, nie zmoh.
Pa słovach Aleha, kiraŭnictva nie pieraškadžała jaho rašeńniu, słužba spynienaja pa pahadnieńni bakoŭ. Jak składziecca dalejšaja karjera, były prakuror pakul nie viedaje.
Pavodle infarmacyi Tut.by, jakuju paćvierdziła niekalki krynic, heta nie adzinkavy vypadak zvalnieńnia ŭ Hienieralnaj prakuratury. Za apošni miesiac słužbu pakinuła adrazu niekalki vysakakłasnych śpiecyjalistaŭ, u tym liku načalniki adździełaŭ i namieśniki načalnikaŭ upraŭleńniaŭ. Kim ich zamieniać, pakul adkrytaje pytańnie, znajści jurystaŭ takoj ža kvalifikacyi niaprosta.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary