Vałožyniec pafarbavaŭ pabudovu ŭ bieł-čyrvona-biełaje — da jaho pryjšli z padatkovaj, sanstancyi i adździeła architektury FOTA
Žychar Vałožyna Siarhiej Tur pafarbavaŭ haspadarčuju pabudovu na svaim učastku ŭ patryjatyčnyja kolery — na biełym fonie namalavaŭ čyrvonuju liniju. Paśla hetaha, kaža, na jaho pačałosia sapraŭdnaje palavańnie.
«To sanstancyju, to padatkovuju da mianie adpraŭlajuć, bo ja IP. Sanstancyja skazała prybrać kamiani — ja prybraŭ, i na hetym usio skončyłasia. Padatkovaja vypisała štraf dźvie bazavyja. Ale tam da mianie pastavilisia z razumieńniem. Ciapier architektara dasłali, šyjuć spravu pa artykule 21.13 KaAP — parušeńnie architekturnaha rašeńnia», — raskazaŭ mužčyna.
30 kastryčnika jaho vyklikajuć u siektar architektury i budaŭnictva Vałožynskaha rajvykankama za samavolnaje pierafarboŭvańnie haspadarčaj pabudovy. Siarhieju parekamiendavali pryvieści źniešni vid pabudovy ŭ naležny stan, bo «kalarovyja rašeńni fasadaŭ treba ŭzhadniać z vykankamam».
Za bieł-čyrvona-bieły malunak mužčynu pahražaje štraf — ad 2 da 15 bazavych vieličyń.
Kamientary