Juryskonsult BrDTU zvolniłasia, bo nie chacieła padpisvać zahad ab adličeńni studentaŭ
Paśla akcyj salidarnaści z Bresckaha dziaržaŭnaha techničnaha ŭniviersiteta adličyli 9 čałaviek. Razam sa studentami syšła i juryskonsult Volha Aŭdziajčuk.
Pa infarmacyi «Našaj Nivy», u žančyny ŭźnikli spraviadlivyja pytańni da vyklučeńnia studentaŭ.
Aŭdziajčuk zamianiała načalnicu, pakul taja była ŭ adpačynku. Atrymała zahad ab adličeńni studentaŭ, u jakim byli momanty, što supiarečyli zakanadaŭstvu.
«U zahadzie ŭ niekatorych studentaŭ byli vymovy. Za akcyju jany atrymali vymovy paŭtorna, a na nastupny dzień — zahad ab adličeńni. Heta supiarečyć zakanadaŭstvu, bo za parušeńnie musić być ci vymova, ci adličeńnie — ale nie moža być adno i druhoje adnačasova. Plus jak minimum u adnaho studenta ŭvohule nie było dyscyplinarnych prablem, jaho taksama nielha było adličvać», — raspaviadaje krynica va ŭniviersitecie.
Aŭdziajčuk prakansultavałasia z načalnicaj Taćcianaj Kryvuščankaj. Taja paćvierdziła — adličvajuć z parušeńniami.
Paśla Aŭdziajčuk pajšła da novaha rektara Alaksandra Bachanoviča, kab rastłumačyć jamu, što zahad na adličeńnie składzieny z parušeńniami. U adkaz pačuła: tady my z vami nie spracujemsia.
U vyniku Volha Aŭdziajčuk napisała zajavu na zvalnieńnie pa ŭłasnym žadańni. Siońnia mieła razmovu z rektaram, jon spytaŭ, ci nie pieradumała jana. Žančyna adkazała: nie parušać zakanadaŭstva? Nie pieradumała.
Paśla čaho jaje zajavu na zvalnieńnie padpisali.
Pakul što Volha Aŭdziajčuk nie choča davać kamienty ŚMI. Źviazacca z rektaram Bachanovičam ci prarektaram Jałavoj nie atrymałasia.
Ciapier čytajuć
Akademiju KDB budujuć prosta na Załatahorskich mohiłkach. Ź ziamli dastajuć pareštki minčukoŭ, jakich tut chavali sotni hadoŭ2
Kamientary