U miedyka-reanimatołaha, jakoha zatrymlivali pa 23.34, zhareła kvatera. Siamja prosić dapamohi
Jaŭhien Pałojka — anestezijołah-reanimatołah RNPC «Kardyjałohija», doktar sa šmathadovym stažam, jakoha zatrymlivali ŭ łancuhu salidarnaści 27 kastryčnika, ale vypuścili pad ciskam hramadskaści.
Siońnia zdaryłasia biada — zhareła kvatera na Vołacha, 29. Siamja z dvuma małymi dziećmi (5 i 13 hod) pakul na vulicy.
«My z mužam siońnia paŭdnia praviali ŭ milicyi, jeździli aznajomicca z pratakołam, — raskazała «Našaj Nivie» jaho žonka Julija. — Ja paśla karanavirusa, jon paśla dziažurstva i apieracyi, prylehli adpačyć pierad tym, jak zabirać małodšaha z sadka. Starejšy ŭ hety čas hladzieŭ film u svaim pakoi, potym vyjšaŭ u tualet, kaža: «Siadžu — niešta palenym pachnie, vychodžu — užo haryć».
Što stała pryčynaj pažaru, my pakul i nie viedajem. Usio pačało absypacca, kali my schapilisia, to tolki vylecieli z kvatery. Zaŭtra sud pa tym 23.34, a jak na jaho iści nieviadoma, bo častka dakumientaŭ zhareła. Adzin pakoj vyharaŭ całkam, šmat usiaho paškodžana».
Dzie pravieści noč, ludzi ŭžo znajšli, ciapier im patrebna časovaje žyllo ŭ tym ža rajonie, kala RNPC «Kardyjałohija», kab Jaŭhien Pałojka moh chutka dabiracca da dziažurstvaŭ i nazad, taksama treba dapamoha ŭ adnaŭleńni kvatery paśla pažaru.
Pieravieści hrošy možna na kartku Bielinviestbanka: 5578 8434 4213 9287.
Kantakt dla suviazi z žonkaj Julijaj: +37529 605 42 95, možna pisać u Vajbier.
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi14
Kamientary