Vakcynu Pfizer nazvali na 90% efiektyŭnaj ad COVID-19, pavodle źviestak pramiežkavaha analizu
Pavodle źviestak papiaredniaha analizu, vakcyna ad karanavirusa ad amierykanskaha vytvorcy Pfizer i jahonaha niamieckaha partniora BioNTech moža praduchilić zaražeńnie COVID-19 bolš čym u 90% ludziej, piša BBC.
Vakcyna Pfizer i BioNTech była pratestavanaja na 43,5 tysiačach čałaviek u šaści krainach (ZŠA, Hiermanija, Brazilija, Arhiencina, PAR i Turcyja), i bojazi nakont jaje biaśpieki nie ŭźnikała. Kampanii płanujuć padać zajaŭku na ekstranny dazvoł na vykarystańnie vakcyny da kanca miesiaca.
Na finalnych stadyjach testavańnia ciapier znachodziacca kala dziasiatka vakcyn, ale Pfizer i BioNTech pakazali pieršy vynik, udakładniaje BBC.
Dla vakcynavańnia nieabchodnyja dźvie dozy ź intervałam u try tydni.
Pfizer miarkuje, što da kanca hetaha hoda zmoža pastavić 50 miljonaŭ doz, a da kanca 2021 hoda — kala 1,3 miljarda. Adnak isnujuć łahistyčnyja prablemy, pakolki vakcynu nieabchodna zachoŭvać u zvyšchałodnym schoviščy pry tempieratury, nižejšaj za minus 80°C. Taksama jość pytańni ab tym, jak doŭha zachoŭvajecca imunitet.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?7
Kamientary