Znajdzi Hleba :) fcbarcelona.cat
Finalny matč na Kubak Ispanii prajšoŭ u Valensii na stadyjonie «Miestalja». «Barsiełona» razhramiła «Atletyk» (Bilbao) ź likam 4:1.
Baski pieršymi adkryli lik (Tarera, 8), ale na 31‑j chvilinie Jaja Ture zraŭniaŭ lik, a ciaham dzieviaci chvilin druhoha tajmu ŭ varoty «Atletyka» ulacieli try miačy (Lijaniel Mieśsi, 55, Bojan Krkič, 59, Chavi, 64).
«Barsiełona» zavajavała Kubak Ispanii ŭ 24‑ty raz (apošni raz u 1998 h.).
Biełaruski paŭabaronca «Barsy» Alaksandr Hleb vyjšaŭ na pole na 84‑j chvilinie, zamianiŭšy Krkiča.
Darečy, biełarus braŭ udzieł u vaśmi ź dzieviaci matčaŭ «Barsy» na Kubak Ispanii. Pryčym u siami vyjšaŭ u startavym składzie, i tolki ŭčora na zamienu. U adroźnieńni ad matčaŭ čempijanatu Ispanii, dzie biełarus zhulaŭ 45,7% hulniaŭ (16 z 35).
***
U nastupnym tury, 36‑m tury, katałonski kłub moža de‑iure zavajavać 19‑ty tytuł čempijona krainy. Dla hetaha treba abo pieramahčy ŭ haściach «Maljorku», abo kab madrydski «Reał» nie vyjhraŭ u haściach u «Viljareała». «Barsa» ŭ minułym tury akurat zhulała z «Viljareałam» uničyju — 3:3.
***
Učora źjaviłasia infarmacyja, što Alaksandr Hleb, jaki tak i nie staŭ hulcom asnoŭnaha składu «Barsy», trapiŭ u śfieru intaresaŭ miłanskaha «Intera».
