BPS-Śbierbank ŭdaskanaliŭ technałohiju hałasavoj bijamietryi. Paśla intehracyi štučnaha intelektu virtualny pamočnik Alesia paznaje ludziej pa hołasie bieź lišnich pytańniaŭ.
Hałasavy bot Alesia pierajšła na štučny intelekt: kali raniej jana stroha vykonvała ałharytmy, to ciapier značna chutčej analizuje zapyty, vučycca na ich i ŭdaskanalvaje manieru znosin. A dziakujučy hałasavoj bijamietryi biez dadatkovych pytańniaŭ padkaža reštu pa karcie abo zapazyčanaść pa kredycie. A jašče dapamoža daviedacca, kali možna atrymać aformlenuju kartu, ahučyć aktualnyja kursy valut i vyrašyć inšyja zadačy.
Ukaranieńnie niejronnych sietak i intehracyja z hałasavoj bijamietryjaj adbyvalisia biasšoŭna. Śpiecyjalisty ŭpieršyniu ŭ Biełarusi abjadnali ŭ adnym klijenckim scenary technałohiju raspaznańnia naturalnaj pramovy i hałasavuju bijamietryju. Tym samym u BPS-Śbierbanku płanujuć pavysić chutkaść i jakaść absłuhoŭvańnia. Heta taksama ŭzmocnić biaśpieku servisnaj padtrymki ŭ dystancyjnym farmacie.
Kab pry telefanavańni ŭ bank paznavali ź pieršaha słova, treba dazvolić zapis hałasavoha źlepka. Bank moža źviartacca da zachavanaha źlepku dla vieryfikacyi. Pracedura adbyvajecca imhnienna i nie patrabuje paŭzy.
U biahučym hodzie ŭ BPS-Śbierbanku taksama ŭkaranili novyja dla rynku technałohii maŭlenčaj i tekstavaj analityki uzajemadziejańniaŭ. Ciapier zvanki i čaty analizujucca z prymianieńniem technałohij AI. Rašeńnie zaklikana palepšyć jakaść absłuhoŭvańnia, u tym liku vyjaŭlać «schavanyja zony».
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu3
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary