БПС-Сбербанк ўдасканаліў тэхналогію галасавой біяметрыі. Пасля інтэграцыі штучнага інтэлекту віртуальны памочнік Алеся пазнае людзей па голасе без лішніх пытанняў.
Галасавы бот Алеся перайшла на штучны інтэлект: калі раней яна строга выконвала алгарытмы, то цяпер значна хутчэй аналізуе запыты, вучыцца на іх і ўдасканальвае манеру зносін. А дзякуючы галасавой біяметрыі без дадатковых пытанняў падкажа рэшту па карце або запазычанасць па крэдыце. А яшчэ дапаможа даведацца, калі можна атрымаць аформленую карту, агучыць актуальныя курсы валют і вырашыць іншыя задачы.
Укараненне нейронных сетак і інтэграцыя з галасавой біяметрыяй адбываліся бясшоўна. Спецыялісты ўпершыню ў Беларусі аб'ядналі ў адным кліенцкім сцэнары тэхналогію распазнання натуральнай прамовы і галасавую біяметрыю. Тым самым у БПС-Сбербанку плануюць павысіць хуткасць і якасць абслугоўвання. Гэта таксама ўзмоцніць бяспеку сэрвіснай падтрымкі ў дыстанцыйным фармаце.
Каб пры тэлефанаванні ў банк пазнавалі з першага слова, трэба дазволіць запіс галасавога злепка. Банк можа звяртацца да захаванага злепку для верыфікацыі. Працэдура адбываецца імгненна і не патрабуе паўзы.
У бягучым годзе ў БПС-Сбербанку таксама ўкаранілі новыя для рынку тэхналогіі маўленчай і тэкставай аналітыкі узаемадзеянняў. Цяпер званкі і чаты аналізуюцца з прымяненнем тэхналогій AI. Рашэнне заклікана палепшыць якасць абслугоўвання, у тым ліку выяўляць «схаваныя зоны».
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»9
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары