Pad Minskam vydzielili 130 sotak dla rezidencyi arabskaha biznesmiena
Ułady vydzielili ŭčastak u 1,3 hiektara na bierazie Minskaha mora kampanii «Emirejts Skaj Blu» dla budaŭnictva i absłuhoŭvańnia rezidencyi, vynikaje z danych Dziaržrehistra nieruchomaj majomaści Biełarusi. Na hetym miescy płanujuć pabudavać viłu dla arabskaha biznesmiena Muchamieda Ali al-Abara, piša Tut.by.
U kastryčniku paviedamlałasia, što arabski biznesmien Muchamied al-Abar, jaki sabraŭsia stvaryć na poŭnačy Minska «razumny horad», vyrašyŭ abzavieścisia i ŭłasnym domam u Biełarusi. Pabudavać jaho zachacieli pa susiedstvie z «Radavym hniazdom» Alaksieja Aleksina na Minskim mory, kala Siomkava.
I voś u kancy listapada Minabłvykankam vydzieliŭ učastak u 1,3 hiektara (130 sotak), a Minrajvykankam pieradaŭ jaho ŭ arendu kampanii «Emirejts Blu Skaj», staršynioj praŭleńnia jakoj źjaŭlajecca Muchamied Ali al-Abar.
Učastak pieradadzieny ŭ arendu «Emirejts Blu Skaj» na 99 hadoŭ — da 25 listapada 2119 hoda. Hadavaja arendnaja płata — 2595,45 rubloŭ. Voś tak hety ŭčastak vyhladaŭ u kastryčniku:
Pa słovach krynic partała, tut płanujuć pabudavać dvuchpaviarchovuju viłu. Jana moža być takoj:
U hetym domie praduhledžanyja nie tolki žyłyja pakoi, ale i basiejn, spartzała, a taksama haraž na čatyry mašyny.
Adznačym, što tut nie tolki malaŭničaje miesca, ale i dobraja i vyhadnaja łakacyja. Siudy ŭžo prakłali darohu i zrabili novy pirs, da jakoha možna švartavać navat jachty. Usim hetym zajmaŭsia Alaksiej Aleksin, jaki buduje pobač svajo «Radavoje hniazdo».
Chto taki Muchamied Ali al-Abar?
Muchamied Ali al-Abar — saŭładalnik bujnych mižnarodnych kampanij u śfierach inviestycyj, nieruchomaści, haściničnaha biźniesu, elektronnaha handlu, łahistyki, hramadskaha charčavańnia, mody i inšych. Jaho nazyvajuć klučavym daradcam pa ekanamičnych i inviestycyjnych pytańniach (asabistym i dziaržaŭnym) kiraŭnikoŭ Abu-Dabi i Dubaja.
Emaar Properties zajmajecca budaŭnictvam handlovych centraŭ, hatelaŭ mižnarodnaha kłasa, mołaŭ, ofisnych centraŭ, žyłych abjektaŭ. Kampanija źjaŭlajecca ŭładalnikam i apierataram najbujniejšaha ŭ śviecie handlovaha centra «Dubaj Moł» i pabudavała znakamity 828-mietrovy Dubajski chmaračos «Burdž-Chalifa», jaki maje status samaha vysokaha ŭ śviecie budynka.
Akramia taho, Muchamied Ali al-Abar źjaŭlajecca staršynioj praŭleńnia TAA «Emirejts Blu Skaj», jakoje ŭvachodzić u strukturu «Dana Chołdynhz» i budzie vystupać zamoŭcam budaŭnictva «Paŭnočnaha bieraha» ŭ Minsku. Hetaja ž kampanija była zakazčykam tapahrafičnaj zdymki dla «Paŭnočnaj rezidencyi» na bierazie Minskaha mora.
«Emirejts Blu Skaj» — heta pieranazvanaja ŭ pačatku 2020 hoda dla pryciahnieńnia inviestycyj kampanija «Zomieks Inviestmient». Mierkavałasia, što ŭ novuju strukturu ŭvojdzie novy (arabski) kapitał. Zasnavanaja ž hetaja kampanija dvuma kiprskimi afšorami.
-
«Chacieŭ pajści na słužbu, abaraniać vas ad dronaŭ». Hamielčuka, jaki maryŭ słužyć u vojsku, zatrymali «za padpisku»
-
«U kałoniju zajechała žančyna, jakaja adpraŭlała mnie miłyja pasyłki». Intervju z hałoŭnaj redaktarkaj Tut.by Marynaj Zołatavaj
-
Mabilnym apierataram zabaranili zahaniać biełarusaŭ u vialiki minus
Ciapier čytajuć
Mabilnym apierataram zabaranili zahaniać biełarusaŭ u vialiki minus6
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary