Sud Centralnaha rajona 17 śniežnia asudziŭ pa č. 1 art. 339 Kryminalnaha kodeksa (chulihanstva) 46-hadovaha mantažnika Paŭła Jankoŭskaha za ŭdar nahoj pa bampiery aŭtamabila DAI na niadzielnym maršy «Narodnaja inaŭhuracyja». Škodu acanili ŭ 14 rubloŭ 82 kapiejki. Sudździa Julija Hustyr pryznała minčuka vinavatym i pakarała jaho hodam abmiežavańnia voli biez nakiravańnia va ŭstanovu adkrytaha typu («chatniaja chimija»). Paŭła ŭtrymlivali pad vartaj paŭtary miesiacy i vyzvalili ŭ zali suda, paviedamlajuć pravaabaroncy.
Sud Centralnaha rajona Minska abvinavaciŭ Paŭła Jankoŭskaha ŭ tym, što 27 vieraśnia jon na pierakryžavańni vulic Bahdanoviča i Mašerava kala «Biełaj viežy» nahoj ŭdaryŭ pa bampiery aŭtamabila HAI, čym ździejśniŭ złosnaje chulihanstva.
Paŭła Jankoŭskaha zatrymali 30 kastryčnika. Amal paŭtary miesiacy jaho ŭtrymlivali pad vartaj u turmie ŭ Žodzina. Pavieł raspavioŭ, što ŭ hety čas jaho paśpieli asudzić pa art. 23.34 KoAP za ŭdzieł u akcyi 27 vieraśnia. Sud aštrafavaŭ jaho na 30 bazavych vieličyniaŭ (810 rubloŭ).
Na sudzie Pavieł pryznaŭ vinu. Jon skazaŭ, što sapraŭdy ŭdaryŭ aŭtamabil DAI «na emacyjnaj hlebie, u čym ščyra raskajvacca».
Z ulikam stanoŭčaj charaktarystyki Jankoŭskaha na pracy, a taksama sumiesnaha pražyvańnia z maci 79 hadoŭ, najaŭnaści ŭ jaho žonki invalidnaści i poŭnaj vypłaty škody za paškodžany aŭtamabil DAI, prakuror Ćviatkoŭ prasiŭ sud pryznačyć pakarańnie ŭ vyhladzie adnaho hodu abmiežavańnia voli biez nakiravańnia va ŭstanovu adkrytaha typu i vyzvalić jaho ŭ zali suda. Sudździa Julija Hustyr pryznačyła mienavita takoje pakarańnie.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary