Vydaviectva «Halijafy» robić vialiki śviatočny rasprodaž da 8 studzienia: 20% źnižki na bolšaść knih 2020 hoda. Vydaŭcy prapanujuć źviarnuć uvahu na kalandar i knihi pa papiaredniaj zamovie, jakija mohuć być cudoŭnym padarunkam na śviaty.
«Tam dzie naradžajecca śnieh»: paetyčny kalandar-2021
Paetyčny kalandar, «Tam, dzie naradžajecca śnieh» — dobry padarunak na Kalady i Novy Hod. Śviatočny nastroj i cudoŭnaja paezija.
Janaš «Ach, jakaja cudoŭnaja kraina Panama»
«Kali jość siabra, tady niama čaho bajacca!» Miadźviedzik i Tyhryk — blizkija siabry. I jany ničoha nie bajacca, tamu što razam jany nadziva mocnyja, mocnyja, jak miadźviedź i tyhr. U domie la raki im dobra žyviecca. Ale adnojčy jany vypraŭlajucca ŭ darohu na pošuki Panamy, krainy svajoj mary. U darozie ź imi zdarajucca roznyja pryhody. Ale dzie znachodzicca Panama? Lis, Karova, Myš — jany ničoha pra heta nie viedajuć, tolki Varona dapamahaje siabram. U rešcie rešt jany znachodziać toje, što šukali…
Volha Hapiejeva «Adna škarpetka i inšyja historyi»
Šeść čaroŭnych historyj dla dziaciej i nie tolki. Dzivosnyja nasielniki maleńkaha kazačnaha śvietu pieražyvajuć toje, što znajoma šmat kamu z nas — maleńkich i darosłych. Heta mudraja i kranalnaja kniha pra vielmi važnyja rečy.
Alaksandr Łukašuk «Viartańnie nacyjanalista«
Knihu biełaruskaha piśmieńnika i publicysta, dyrektara Biełaruskaj słužby Radyjo Svaboda Alaksandra Łukašuka skłali dakumientalnyja daśledavańni biełaruskaj historyi XX stahodździa. Toŭsty falijant źmiaščaje adrazu piać knih, vydadzienych u roznyja časy, piać dakumientalnych daśledavańniaŭ savieckaha pieryjadu historyi.
Aleś Harodnia «Varta na Rejnie»
Lehiendarny tvor Alesia Harodni pra Pieršuju suśvietnuju vajnu «Varta na Rejnie», napisany ŭ 1927 hodzie. Apovieść u svoj čas vysoka aceńvali Maksim Harecki i Jan Skryhan. Tvor napisany navatarskim dla taho času «fieljetonna-futurystyčnym» stylem. Miescy, padziei, ludzi, słovy, dumki, spadziavańni — usio byccam by źlivajecca ŭ adzin šalony vir-kalejdaskop, imia jakomu — vajna.
Kniha vydadziena ŭ sieryi «Śviatłacieni», u jakoj vychodziać tvory 1920-40 hh.
Aŭtar — biełaruski piśmieńnik niamiecka-ruskaha pachodžańnia Aleś Harodnia (Alaksandr Funk; 1899—1944), u stalinskija časy pieražyŭ try aryšty i pamior u źniavoleńni.
Kniha źmiaščaje vialikuju pradmovu i kamientary Viktara Žybula.
Usie knihi vydaviectva «Halijafy možna nabyć pa adrasie: Niamiha, 3, cokalny pavierch, boks 47 albo praź internet-kramu.
