Samym pryhožym mužčynam u śviecie nazvali najpapularniejšaha błohiera FOTA
Samaha papularnaha ŭ śviecie błohiera Fieliksa PewDiePie Čelbierha pryznali samym pryhožym mužčynam na płaniecie. Pavodle štohadovaha rejtynhu Independent Critics, šviedski aŭtar akazaŭsia na pieršym radku, abahnaŭšy astatnich znakamitaściaŭ. Śpis apublikavany na YouTube-kanale TC Candler.
Druhuju pazicyju zaniaŭ paŭdniovakarejski śpiavak, udzielnik muzyčnaha hurta BTS Kim Tchechien, jaki vystupaje pad psieŭdanimam Vi.
Bronza dastałasia aŭstralijskamu akcioru Krysu Chemsvartu. Na čaćviorty radok aŭtary pastavili jašče adnaho ŭdzielnika BTS — Čona Džonhuka. Zamykaje piaciorku lidaraŭ brytanski akcior Hienry Kavił. Akramia taho, u rejtynh uvajšli šmatlikija spartsmieny, akciory, madeli i muzykanty z 40 krain śvietu.
Stvaralniki rejtynhu adznačajuć, što śpisy samych pryhožych asob zaŭsiody vielmi subjektyŭnyja, tamu mnohija karystalniki mohuć nie pahadzicca z vynikami. Adnak aŭtary prosiać nie sudzić ich stroha, bo jany vybirajuć 100 udzielnikaŭ z prykładna 125 tysiač pretendentaŭ.
«Heta niaŭdziačnaja zadača, bo nivodny čałaviek nikoli nie pahodzicca z usimi varyjantami», — havorycca ŭ apisańni da rejtynhu. Niahledziačy na hetuju zajavu, u kamientarach znajšłosia mnostva karystalnikaŭ, jakija niehatyŭna ŭspryniali vyniki rejtynhu.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica1
Kamientary