Biskup Vielikasielec ab pryznačeńni na mitrapalickuju kafiedru: Vysoki davier da majoj ścipłaj asoby
Biskup Kazimir Vielikasielec, jakoha 3 studzienia Papa Francišak pryznačyŭ Apostalskim administrataram vakantnaj kafiedry Minska-Mahiloŭskaj archidyjacezii, ličyć svajo pryznačeńnie vysokim davieram z boku Papy.
Novapryznačany Apostalski administratar paviedamiŭ Catholic.by, što novaje pryznačeńnie stała dla jaho poŭnaj niečakanaściu.
«Heta vysoki davier, akazany majoj ścipłaj asobie, i ja ŭdziačny za jaho Papu Francišku.
Uśviedamlajučy maju čałaviečuju abmiežavanaść dla vykanańnia daručanaha mnie adkaznaha zadańnia, ja daviaraju majo pastyrskaje słužeńnie Najśviaciejšaj Pańnie Maryi i prašu ŭsich malicca za mianie, kab Boh mnie dapamoh vykanać Jaho volu, jak heta napisana ŭ maim biskupskim hierbie — Fiat voluntas tua — «Budź vola Tvaja»», — skazaŭ biskup Kazimir Vielikasielec.
Nahadajem, što mitrapalickaja kafiedra Minska-Mahiloŭskaj archidyjacezii zastałasia vakantnaj paśla taho, jak Papa Francišak pryniaŭ prašeńnie arcybiskupa Tadevuša Kandrusieviča ab vychadzie na piensiju ŭ suviazi z dasiahnieńniem im 75-hadovaha ŭzrostu. Na čas da pryznačeńnia novaha mitrapalita Francišak pryznačyŭ starejšaha ŭ Biełarusi katalickaha ijerarcha Apostalskim administrataram archidyjacezii.
Padobnaje zdarajecca ŭžo nie ŭpieršyniu.
14 červienia 2006 hoda Minska-Mahiloŭskaja mitrapalickaja kafiedra stała vakantnaj paśla sychodu na piensiju jaje pieršaha ŭ sučasnaj historyi Biełarusi arcypastyra kardynała Kazimira Śviontka. Da taho, jak 21 vieraśnia 2007 hoda Papa Benedykt XVI pryznačyŭ Minska-Mahiloŭskim mitrapalitam arcybiskupa Tadevuša Kandrusieviča, Apostalskim administrataram sede vacante Minska-Mahiloŭskaj archidyjacezii bolš za hod byŭ ciapierašni biskup Pinski Antoni Dziamjanka.
Funkcyi staršyni Kanfierencyi katalickich biskupaŭ u Biełarusi ciapier pierachodziać da jaho raniejšaha namieśnika biskupa Hrodzienskaha Alaksandra Kaškieviča.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary