Bolš za 800 biełaruskich navukoŭcaŭ padpisali list u padtrymku zvolnienych z Akademii navuk kaleh
Pradstaŭniki biełaruskaj akademičnaj navuki vykazali zaniepakojenaść šeraham zvalnieńniaŭ ź instytutaŭ Nacyjanalnaj akademii navuk supracoŭnikaŭ, jakija biaruć aktyŭny ŭdzieł u hramadskim žyćci krainy.
«Stała viadoma ab niepraciahnieńni kantraktaŭ cełaj hrupie vysokakvalifikavanych navukoŭcaŭ Instytuta historyi Nacyjanalnaj akademii navuk, jakija najbolš aktyŭnyja ŭ dziejnaści prafsajuza, realna abaraniajučy pravy supracoŭnikaŭ. Ciapier, kali dziejnaść prafsajuzaŭ pryznana dziaržavaj jak nadzvyčaj važnaja, taki padychod vyhladaje dziŭna», — havorycca ŭ zvarocie, pad jakim padpisalisia bolš za 800 čałaviek.
Padstavaj zvarotu staŭ pieraśled za hramadzianskuju pazicyju supracoŭnikaŭ Instytuta historyi i Instytuta ahulnaj i niearhaničnaj chimii Nacyjanalnaj akademii navuk.
Heta kandydaty histaryčnych navuk Mikałaj Vołkaŭ, Alaksiej Šałanda, Kaciaryna Kryvičanina, kandydat fiłałahičnych navuk Alaksandar Žłutka, navukovyja supracoŭniki Andrej Radaman, Taćciana Papoŭskaja, Uładzimier Šypiła, a taksama Siarhiej Biesarab.
Navukoŭcy zaklikali kiraŭnictva NAN i jaje instytutaŭ admovicca ad praktyki palityčna matyvavanych skaračeńniaŭ i cisku i praciahnuć kantrakty biespadstaŭna zvolnienym supracoŭnikam.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana12
Kamientary