Google adroksia idei razdavać internet z pavietranych šaroŭ
Prajekt byŭ zadumany dla zabieśpiačeńnia internetam ciažkadastupnych i biednych rehijonaŭ, ale jon akazaŭsia na pa kišeni.
Prajekt, viadomy jak Loon, byŭ zadumany ŭ 2011 hodzie i ŭpieršyniu aprabavany ŭ Novaj Ziełandyi ŭ 2013. Loon mieŭ danieści internet da miljardaŭ ludziej u rajonach, dzie pravieści internet tradycyjnym kabielnym šlacham zadoraha ci zaskładana. Prajekt kantralavaŭsia chołdynham Alphabet Inc., ale kampanija Loon nie zmahła dasiahnuć ustojlivaj biznes-madeli — «zšaravy» internet abychodziŭsia taksama zadoraha.
Loon zapuskała napoŭnienyja hazam polietylenavyja šary ŭ strataśfieru. Tam bartavoje abstalavańnie suviazi pieradavała internet-sihnały nazad na ziamlu.
Tym nie mienš, u 2015 hodzie dziakujučy technałohii Loon udałosia pavialičyć dostup da internetu ŭ Indanezii, dzie dźvie trecija z 250 miljonaŭ žycharoŭ u toj čas nie mahli vyjści ŭ sietku. A ŭ 2017-m prajekt zapuściŭ pavietranyja šary nad Puerta-Ryka paśla taho, jak urahan «Maryja» paškodziŭ kamunikacyjnuju infrastrukturu vostrava.
Kamientary