U Babrujsku svajaki šukali zatrymanych u piatnicu ludziej: ich nie było ni ŭ IČU, ni ŭ sudzie
Siońnia a 7:30 ranicy skončyŭsia termin trochdzionnaha znachodžańnia pad vartaj babrujčan, jakija byli zatrymanyja ŭ piatnicu. Uciaho tady ŭ IČU dastavili nie mienš za 15 čałaviek, troch da viečara vypuścili. U čym mienavita abvinavačvajuć zatrymanych, dahetul nieviadoma. U ich kvaterach prajšli pieratrusy.
Ranicaj 25 studzienia skončyŭsia termin trochdzionnaha znachodžańnia zatrymanych u IČU, adnak na volu nichto nie vyjšaŭ, piša Tut.by.
— My dziažurym kala IČU z 7-j ranicy, nikoha nie vypuskali. Ale nam kažuć, što ŭsie vyzvalenyja, — kaža mama adnaho z zatrymanych.
Častka svajakoŭ dziažuryć kala budynka suda na vulicy Tuchačeŭskaha, kudy, jak miarkujecca, pavinny byli ranicaj pryvieści zatrymanych. Adnak u sud nikoha ź ich taksama nie dastavili.
Svajaki pryniali rašeńnie pisać zajavy ab źniknieńni ludziej.
— Ja byŭ u kvatery dački padčas pieratrusu, — raspaviadaje Hieorhij Stryhunoŭ. Jahonuju dačku Alenu zatrymali ranicaj 22 studzienia. — Kali jaje zabirali, niejki major paviedamiŭ, što jaje apytajuć i adpuściać. Užo skončyŭsia 72 hadziny z momantu zatrymańnia, i ja nie viedaju, dzie jana.
Hieorhij Stryhunoŭ kaža, što padčas pieratrusu ŭ kvatery dački adzin z supracoŭnikaŭ milicyi skazaŭ, što dačku zatrymlivajuć pa spravie ab abrazie pravaachoŭnikaŭ. Ale padrabiaznaściaŭ jon nie viedaje.
Tolki paśla padačy zajaŭ, kala 10:30, svajakam paviedamili, što zatrymanyja jašče ŭ IČU. Sudy, chutčej za ŭsio, projduć tam ža pa videasuviazi.
Ciapier čytajuć
Zahinuŭ biełaruski dobraachvotnik Vasil «Dzir» Rapicki10
Kamientary