Maskva i Minsk pavinny viarnucca da rostu tavaraabarotu pamiž krainami, zajaviŭ vice-premjer RF Juryj Barysaŭ na sustrečy z premjer-ministram Biełarusi Ramanam Hałoŭčankam.
Jon adznačyŭ, što ŭ 2020 hodzie abjom tavaraabarotu skaraciŭsia na fonie pandemii. Pa vynikach hoda pakazčyk skłaŭ $25,5 młrd, piša Interfaks.
«U 2019 h. tavaraabarot pieravysiŭ 35,5 młrd dalaraŭ. Biełaruś zajmaje 1-je miesca siarod našych ekanamičnych partnioraŭ na prastory SND. Minuły hod, pandemijny hod, nie moh nie adbicca na tavaraabarocie, jon u nas asieŭ na 17%, ale, tym nie mienš, ciapier usio adnaŭlajecca i naša zadača — zabiaśpiečyć, prynamsi, užo dasiahnuty vynik i značna jaho pierasiahnuć», — skazaŭ Barysaŭ.
«Dla hetaha jość usie mahčymaści: Rasija zajmaje pieršaje miesca pa nazapašanych inviestycyjach u Biełarusi. U 2020 h. jany pieravysili 4 młrd dalaraŭ. U Biełarusi pracujuć kala 2400 kampanij z rasijskim udziełam. Na terytoryi Rasii pracujuć biełaruskija kampanii. U nas jość mahčymaść jašče bolš hłyboka intehravać našy ekanomiki i znajści dadatkovyja punkty rostu našaj pramysłovaści», — padkreśliŭ Barysaŭ.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary