Haściej zapłanavanaha na 18-19 lipienia 2009 h. čarhovaha, V źjezda biełarusaŭ śvietu prymie Mižnarodny adukacyjny centr (IVV).
Haściej zapłanavanaha na 18-19 lipienia 2009 h. čarhovaha, V źjezda biełarusaŭ śvietu prymie Mižnarodny adukacyjny centr (IVV).
Pra heta ŭčora paviedamili kiraŭnictvu MHA «ZBS «Baćkaŭščyna» ź Minharvykankamu. Arhanizacyi prapanavali dva pamiaškańnia — vialikuju zału DK MTZ i pamiaškańnie Mižnarodnaha adukacyjnaha centru (IVV). U toj ža dzień było praviedziena pasiadžeńnie Ŭpravy MHA «ZBS «Baćkaŭščyna», na jakim razam ź infarmacyjaj ab chodzie padrychtoŭki da źjezda było ahučana rašeńnie Minharvykankama. Prysutnyja abmierkavali mahčymaści dvuch załaŭ i vyznačyli pryjarytetnym pamiaškańnie Minskaha mižnarodnaha adukacyjnaha centra.
Nahadajem, što sioleta, jak i ŭ časie padrychtoŭki minułych źjezdaŭ, MHA «ZBS «Baćkaŭščyna» sutyknułasia z prablemaŭ pošuku pamiaškańnia. Padobnych prablem nie było tolki z praviadzieńniem Pieršaha źjezda biełarusaŭ śvietu ŭ 1993 h. U hetym hodzie arhanizacyi admoviła kala dvuch dziesiatkaŭ ustanovaŭ, u tym liku DK prafsajuzaŭ, KZ «Minsk», Pałac kultury MAZ, MTZ, aktavaja zała Linhvistyčnaha ŭniviersiteta. U suviazi z hetym uźnikła pahroza praviadzieńnia źjezda albo na adnoj z płoščaŭ Minska, albo ŭ zamiežžy.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary