Svoj dakład na «Usiebiełaruskim narodnym schodzie» Alaksandr Łukašenka pačaŭ z krytyki pieramien i revalucyj
Roŭna ab 11-j hadzinie 11 lutaha Alaksandr Łukašenka asabista adkryŭ «Usiebiełaruski narodny schod».
Ën prapanavaŭ «abrać» prezidyum schodu śpisam, zała družna padtrymała, i členy prezidyuma pad apładysmienty vyjšli z-za kulis.
Svaju ŭstupnuju pramovu Alaksandr Łukašenka, jak niekali hienieralnyja sakratary CK KPSS, pačaŭ z rytualnaj cytaty z Uładzimira Lenina.
Svaju asnoŭnuju pramovu Alaksandr Łukašenka niečakana pačaŭ nie ź pieraliku dasiahnieńniaŭ svajho 26-hadovaha kiravańnia, a z aznajamleńnia prysutnych z prahramaj tych, chto chacieŭ ažyćciavić «miaciež». Takoj prahramy nasamreč u Śviatłany Cichanoŭskaj nie było, jaje prydumała dziaržaŭnaja prapahanda (uziała prahramu adnoj z apazicyjnych palityčnych partyj kanca 1990-ch), i voś ciapier ź jaje analizu pačaŭsia «narodny schod».
«Pryjdzie čas, i vybierycie novaha Łukašenku ci kahości tam jašče», — šmatznačnyja słovy Alaksandra Łukašenki.
Ën šmat času addaŭ krytycy Arabskaj viasny dy inšych revalucyj.
Łukašenka emacyjna ŭspomniŭ zrynutaha Muamara Kadafi, «jakoha raśpiali i pasadzili na koł» za toje, što jon chacieŭ aščaślivić svaju Liviju i ŭsiu Paŭnočnuju Afryku, stvarajučy tam aazis žyćcia, ale suśvietnym lidaram heta było nie treba.
Zhadaŭ jon i kiraŭnika Iraka Sadama Chusejna. «A vy nie pamiatajecie, jak jaho paviesili?» Na jaho dumku, usie kalarovyja revalucyi ŭ arabskich krainach pryviali da źbiadnieńnia.
«Siońnia ŭ nas jość razumieńnie situacyi i płan dziejańniaŭ», — skazaŭ Łukašenka.
«Biełaruś — heta moža być apošniaja suvierennaja kraina Jeŭropy», — zajaviŭ Alaksandr Łukašenka.
Kiraŭnik Biełarusi paćvierdziŭ kurs na intehracyju z Rasijaj, a taksama blizkija adnosiny z Kitajem. U toj ža čas jon zajaviŭ ab raniejšaj prychilnaści da šmatviektarnaj zamiežnaj palityki. Krytykujučy płany jeŭrapiejskich krain adnosna Biełarusi, jon zaznačyŭ, što Jeŭropa zastajecca partnioram Biełarusi. Taksama zaznačyŭ, što ŭkraincy źjaŭlajucca siabrami Biełarusi.
U cełym z dakłada Alaksandra Łukašenki vynikaje, što Biełaruś nie biare kurs na pahłybleńnie intehracyi z Rasijaj ci jašče hłybiejšy razryŭ z Zachadam, a choča zachavańnia status-kvo.
Nie abyšłosia i biez žartaŭ. Kiraŭnicu Jeŭraparłamienta Ursułu fon der Lajen Alaksandr Łukašenka nazvaŭ «Unter den Lajden», ale paabiacaŭ adkazać na jaje zvarot pa pytańni baraćby z pandemijaj kavidu.
«Nie vučycie nas žyć, a dapamažycie materyjalna», — źviarnuŭsia da Jeŭrasajuza Alaksandr Łukašenka. Zała sustreła hetyja słovy śmiecham i apładysmientami.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary