Mama Ramana Bandarenki paprasiła sud ab udziele ŭ pracesie nad Kaciarynaj Barysievič i Arciomam Sarokinym
Alena Bandarenka, mama Ramana, paprasiła sud ab jaje asabistym udziele ŭ sudovych pasiadžeńniach. «Ja i raniej prasiła i ciapier nastojvaju na nadańni maksimalnaj ahałoski ŭsiamu, što źviazana z maim synam, u tym liku i ź jaho śmierciu», — adznačaje jana.
Tut.by źviazaŭsia ź joj. Jak vyśvietliłasia, ab tym, što sud Maskoŭskaha rajona Minska razhledzić kryminalnuju spravu ŭ dačynieńni da žurnalistki Kaciaryny Barysievič i doktara Arcioma Sarokina, jana daviedałasia sa ŚMI.
Paśla hetaha Alena Bandarenka padała zajavu na imia staršyni suda z prośbaj ab jaje asabistym udziele ŭ sudovych pasiadžeńniach. Zajavu zarehistravali 8 lutaha.
— Ja liču nieabchodnym moj asabisty ŭdzieł u pracesie pa spravie Arcioma Sarokina i Kaciaryny Barysievič, bo jon naŭprost tyčycca majho syna, — adznačaje Alena Bandarenka. Pavodle jaje słoŭ, tolki jana moža dać zhodu ŭsim udzielnikam pracesu što-niebudź kazać, abmiarkoŭvać, daśledavać materyjały z nahody stanu zdaroŭja i pryčyn śmierci adzinaha syna.
Alena Bandarenka adznačaje, što paprasiła ŭ svajoj zajavie paviedamić joj ab dacie i časie sudovaha pasiadžeńnia dla ŭdziełu ŭ im.
— Ja i raniej prasiła i ciapier nastojvaju na nadańni maksimalnaj ahałoski ŭsiamu, što źviazana z maim synam, u tym liku i ź jaho śmierciu, — adznačaje jana.
Alena Bandarenka adznačaje, što 2 śniežnia jaje dapytali ŭ Hienprakuratury, i padpisany joju pratakoł jość u materyjałach spravy ab śmierci Ramana. Paśla hetaha dopytu, pa słovach Aleny Bandarenka, śledčy paprasiŭ jaje pryjści na dopyt pa spravie Kaciaryny Barysievič i Arcioma Sarokina 8 śniežnia, adnak 7 śniežnia praz advakata pieradali, što nikudy iści nie treba.
Sud nad Kaciarynaj Barysievič i Arciomam Sarokinym pačniecca 19 lutaha a 10 ranicy. Praces budzie prachodzić u Domie pravasudździa.
Kaciaryna Barysievič była zatrymanaja 19 listapada 2020 hoda. Paźniej joj i doktaru BCHMD Arciomu Sarokinu vystavili abvinavačvańnie ŭ «razhałošvańni miedycynskaj tajamnicy, jakoje paciahnuła ciažkija nastupstvy» (č. 3 art. 178 KK RB). Padstavaj staŭ apublikavany 13 listapada artykuł, u jakim kazałasia, što ŭ kryvi Ramana Bandarenki nie było ałkaholu.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary