Sens zajaŭ kiraŭnika MZS Rasii Siarhieja Łaŭrova ab hatoŭnaści da razryvu adnosin ź ES u vypadku novych sankcyj byŭ skažony, ličyć pres-sakratar prezidenta Dźmitryj Piaskoŭ, piša RBK.
Na jaho dumku, «vialikaja pamyłka» zaklučałasia ŭ tym, što słovy ministra padavalisia biez kantekstu. «Sens jakraz zaklučajecca ŭ tym, što my nie chočam hetaha, my chočam raźvivać adnosiny ź Jeŭrasajuzam, ale kali Jeŭrasajuz pojdzie pa hetym šlachu, to tady — tak, my budziem hatovyja», — skazaŭ Piaskoŭ.
Raniej 12 lutaha na YouTube-kanale rasijskaha MZS byŭ apublikavany frahmient intervju Łaŭrova Uładzimiru Sałaŭjovu. U im kiraŭnik viedamstva zajaviŭ pra hatoŭnaść Rasii da spynieńnia adnosin ź ES.
Na pytańnie ab ruchu Maskvy da razryvu adnosin z Bruselem Łaŭroŭ adkazaŭ: «My zychodzim z taho, što my hatovyja. Kali my jašče raz ŭbačym, jak my ŭžo adčuli nie adnojčy, što ŭ niejkich abłaściach nakładvajucca sankcyi, jakija stvarajuć ryzyki dla našaj ekanomiki, u tym liku ŭ samych adčuvalnych śfierach, — tak».
Pry hetym ministr pryvioŭ viadomuju prymaŭku: «Chočaš miru — rychtujsia da vajny». Jon padkreśliŭ, što Rasija nie žadaje apynucca adrezanaj ad usiaho śvietu, ale pavinna być da hetaha hatovaja.
Kamientary