Сэнс заяў кіраўніка МЗС Расіі Сяргея Лаўрова аб гатоўнасці да разрыву адносін з ЕС у выпадку новых санкцый быў скажоны, лічыць прэс-сакратар прэзідэнта Дзмітрый Пяскоў, піша РБК.
На яго думку, «вялікая памылка» заключалася ў тым, што словы міністра падаваліся без кантэксту. «Сэнс якраз заключаецца ў тым, што мы не хочам гэтага, мы хочам развіваць адносіны з Еўрасаюзам, але калі Еўрасаюз пойдзе па гэтым шляху, то тады — так, мы будзем гатовыя», — сказаў Пяскоў.
Раней 12 лютага на YouTube-канале расійскага МЗС быў апублікаваны фрагмент інтэрв'ю Лаўрова Уладзіміру Салаўёву. У ім кіраўнік ведамства заявіў пра гатоўнасць Расіі да спынення адносін з ЕС.
На пытанне аб руху Масквы да разрыву адносін з Брусэлем Лаўроў адказаў: «Мы зыходзім з таго, што мы гатовыя. Калі мы яшчэ раз ўбачым, як мы ўжо адчулі не аднойчы, што ў нейкіх абласцях накладваюцца санкцыі, якія ствараюць рызыкі для нашай эканомікі, у тым ліку ў самых адчувальных сферах, — так».
Пры гэтым міністр прывёў вядомую прымаўку: «Хочаш міру — рыхтуйся да вайны». Ён падкрэсліў, што Расія не жадае апынуцца адрэзанай ад усяго свету, але павінна быць да гэтага гатовая.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары