Ukraina adbiraje naftapraduktapravod u biełaruskaha multymiljaniera
Saviet nacyjanalnaj biaśpieki i abarony Ukrainy pryniaŭ rašeńnie «pryniać nieadkładnyja miery» dla viartańnia ŭ dziaržaŭnuju ŭłasnaść častki naftapraduktpravoda, prodaž jakoha źviazvali z prarasijskim palitykam Viktaram Miedźviadčukom. Pa sutnaści pastaŭlena zadača viarnuć u dziaržułasnaść naftapraduktapravod «Samara — Zachodni kirunak», jaki z 2019 hoda na 51% naležaŭ biełarusu Mikałaju Vierabju.
«Sprava ŭ tym, što nijakaj pryvatyzacyi hetaha abjekta ŭkrainskaj ułasnaści nie było. Na naš pohlad, u niezrazumieły pakul sposab hety abjekt dziaržaŭnaj ułasnaści biez pryvatyzacyi, biez Fondu dziaržmajomaści apynuŭsia va ŭładalnikaŭ, jakija zarehistravanyja ŭ inšaj krainie.
I ciapier dadziena daručeńnie razabracca, čamu tak adbyłosia, chto hetuju ździełku pravodziŭ, i čamu tak zdaryłasia, što hetyja afilavanyja z Ukrainaj hramadzianie peŭny čas karystalisia hetym praduktapravodam.
Jon znachodziŭsia nie pad kantrolem dziaržavy Ukraina. Chto im karystaŭsia, jak heta adbyvałasia — vy ŭ najbližejšy čas usio heta ŭbačycie i pačujecie», — skazaŭ sakratar Rady nacyjanalnaj biaśpieki i abarony Daniłaŭ.
Pa zakonie, mahistralny trubapravodny transpart maje važnaje narodnahaspadarčaje i abaronnaje značeńnie i źjaŭlajecca dziaržaŭnaj ułasnaściu Ukrainy.
TAA «PrykarpatZachadtrans» ekspłuatuje ŭčastak naftapraduktapravoda «Samara — Zachodni kirunak» praciahłaściu kala 800 km. Jon pryznačany dla prapampoŭki dyzielnaha paliva z Rasii i Biełarusi dla Ukrainy i tranzitu ŭ Jeŭropu.
Uładalnikami kampanii źjaŭlajucca biełaruski biznesmien Mikałaj Vierabiej i hramadzianin Niamieččyny Anatol Šefier. Šefiera źviazvajuć ź Miedźviadčukom. A Vierabja časta nazyvali biznesoŭcam, nabližanym da Alaksandra Łukašenki.
Kaho hladzieli bolej i što ŭ kamientarach? Paraŭnali navahodnija zvaroty Cichanoŭskaj i Łukašenki24
Kamientary