U ciapierašni čas mienš za 10% nasielnictva Ziamli majuć antycieły da karanavirusa COVID-19.
Pra heta zajaviła hałoŭnaja navukovaja supracoŭnica Suśvietnaj arhanizacyi achovy zdaroŭja (SAAZ) Sumja Svaminatan, piša RBK.
Adkazvajučy na pytańnie ab tym, ci ŭdałosia dasiahnuć kalektyŭnaha imunitetu ŭ bujnych haradach, u jakich na karanavirus pierachvareła značnaja častka žycharoŭ, śpiecyjalistka źviarnuła ŭvahu na praviedzienyja ŭ śviecie amal 500 daśledavańniaŭ. Ich vyniki, pavodle jaje słoŭ, pakazali, što mienš za 10% suśvietnaha nasielnictva ciapier majuć antycieły da COVID-19.
«U niekatorych miescach, asabliva ŭ haradskich rajonach ź vialikaj ščylnaściu nasielnictva, jość terytoryi, dzie 50—60% žycharoŭ padvierhlisia zaražeńniu infiekcyjaj i majuć antycieły. Adnak heta nie aznačaje, što ŭvieś horad, pravincyja ci kraina dasiahnuli kalektyŭnaha imunitetu», — ličyć jana.
Na dumku Svaminatan, kalektyŭny imunitet moža źjavicca ŭ šyrokich maštabach tolki šlacham praviadzieńnia vakcynacyi. Mienavita tamu, jak zaŭvažyła śpiecyjalistka, SAAZ nastojvaje na tym, kab jak maha bolš krain padklučylisia da prahramy COVAX, jakaja praduhledžvaje pastaŭki preparataŭ ad karanavirusa biednym krainam. Pakul hetaha nie adbyłosia, varta prymać usie mahčymyja miery zaściarohi, kab abmiežavać pašyreńnie COVID-19, padsumavała jana.
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama8
Kamientary