Tych, chto atrymlivaje zarobak u kanviertach, płanujuć pryciahvać pa «administracyjcy»
Za zarpłatu ŭ kanviertach pavinien adkazvać nie tolki najmalnik, ale i rabotnik, jaki atrymlivaje jaje. Pra heta ŭ efiry «Biełaruś 1» viečaram u paniadziełak zajaviŭ kiraŭnik Kamiteta dziaržkantrolu Vasil Hierasimaŭ, piša Tut.by.
Pa słovach Hierasimava, rabotniki, jakija atrymlivajuć «šeryja» zarobki mohuć być pryciahnutyja da administracyjnaj adkaznaści. Pry hetym, kali čałaviek paviedamić kantralujučym orhanam ab tym, što jaho pracadaŭca płacić zarpłatu ŭ kanviertach, jon budzie vyzvaleny ad adkaznaści.
Jon udakładniŭ, što havorka idzie ab administracyjnaj adkaznaści.
Nad vyjaŭleńniem takich faktaŭ, raspavioŭ Hierasimaŭ, KDK pracuje sumiesna ź Ministerstvam pa padatkach i zborach.
Razhledzieć pytańnie ab uviadzieńni adkaznaści za atrymańnie zarobkaŭ «u kanviertach» u paniadziełak na sustrečy z Hierasimavym prapanavaŭ Alaksandr Łukašenka.
— Treba raz i nazaŭždy spynić hetuju hadaŭku, kab hetaja hidra nikoli hałavu ŭ nas nie padniała. Ja nie skažu, što ŭ nas heta kvitnieje, ale heta jość. I navat na mianie vychodziać asobnyja kamiersanty, biznesmieny i skardziacca: voś my płacim pa viedamaści, usio jak maje być (i ad hetaha ž naličeńnie idzie ŭ sacyjalnyja fondy). A voś tam nie płaciać. Navat nazyvajuć kankretnyja firmy, — skazaŭ Łukašenka.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary