Kampanija Porsche inviestuje miljardy jeŭra ŭ raspracoŭku elektramabilaŭ, ale heta nie pieraškadžaje niemcam šukać inšyja sposaby zrabić transpart bolš ekałahičnym. Takim varyjantam moža być elektrapaliva — štučny mietanołavy bienzin.
Štučny bienzin budzie vyrablacca z vykarystańniem vadarodu, jaki, u svaju čarhu, buduć atrymlivać pry dapamozie ŭznaŭlalnaj enierhii.
Paliva budzie hareć tak ža, jak i bienzin z nafty, ale nie budzie tak mocna spryjać parnikovym vykidam.
Elektrapaliva mahčyma pradavać praz užo isnuju sietku AZS, a ŭłaśnikam Porsche niama patreby źmianiać budovu ruchavika svaich aŭtamabilaŭ dla novaha paliva.
Pa acenkach pradstaŭnikoŭ kampanii, elektrapaliva ad Porsche moža skaracić vykidy CO2 bolš čym na 85%. Vytvorčaść akumulatara dla takoha aŭtamabila, pa ich ža słovach, budzie mienš škodnaj dla navakolnaha asiarodździa, čym vytvorčaść akumulatara dla elektramabila, piša DW.
U 2014 hodzie krainy ES damovilisia, što vytvorcy aŭtamabilaŭ pavinny da 2020 hoda źnizić uzrovień vykidaŭ CO2 va ŭsich svaich madelach da dzievianosta piaci hramaŭ na kiłamietr. Tym, chto nie vykanaŭ hetuju ŭmovu, z hetaha hoda pahražajuć štrafy pamieram u miljony jeŭra, tamu elektrapaliva moža dapamahčy Porsche paźbiehnuć pakarańnia.
Dla vytvorčaści elektrapaliva ŭ paŭdniovym Čyli ŭžo budujecca zavod. Tam pracuje najvialikšaja ŭ Paŭdniovaj Amierycy vietravaja elektrastancyja, enierhija ź jakoj dazvolić vyrablać vadarod praz elektroliz. Atrymany vadarod budzie prapuščany praź filtry i pieratvorany ŭ štučny mietanoł.
Kampanija płanuje spačatku prateściravać elektrapaliva na honačnych trasach i tolki paśla hetaha vykarystać u svaich madelach.
Pry hetym kampanija nie admaŭlajecca ad raspracoŭki elektramabilaŭ. U finansavaj spravazdačy Porsche za 2020 hod paviedamlałasia, što da 2025 hoda kampanija płanuje davieści kolkaść elektramabilaŭ ci hibrydaŭ da 50% ad usich madelaŭ marki.
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1616
Kamientary