BiełTA
«Ja zaprasiŭ vas, kab vypracavać rašeńni, jakija stajać na styku dvuch śvietaŭ — ličbavaha i finansavaha», — skazaŭ Łukašenka, adkryvajučy naradu.
«Siońnia suśvietnyja tendencyi takija, što «ličba» ŭ litaralnym sensie pranikaje ŭ kožny dom. Dziejańni, a časam i prosta publičnyja zajavy kiraŭnictva ličbavych hihantaŭ stali istotna ŭpłyvać na tradycyjnyja haliny: aŭtamabilebudavańnie, transpart, łahistyku, pasłuhi, kaśmičnyja raspracoŭki i hetak dalej».
«U niekatorych krainach instrumienty IT-karparacyj aktyŭna i nieprykryta vykarystoŭvajucca ŭ palityčnych pracesach (nam heta znajoma). Tyja, chto vypuściŭ usie hetyja pracesy z-pad kantrolu, zaraz pažynajuć adpaviedny plon», — dadaŭ Łukašenka.
Jon rastłumačyŭ, što na naradzie budzie razhladacca adna sa śfier, kudy ličbavaja transfarmacyja pranikła vielmi hłyboka, — finansavyja adnosiny.
«Vykarystańnie ličbavych znakaŭ (tokienaŭ) i kryptavalut stała štodzionnym u mnohich krainach śvietu. Ich prymajuć u jakaści dadatkovaha apłatnaha srodku naroŭni z tradycyjnymi hrašyma. U 2017 hodzie my pieršyja ŭ śviecie śpiecyjalnym dekretam stvaryli pravavyja ŭmovy dla raźvićcia hetych technałohij u Biełarusi», — skazaŭ Łukašenka.
«Jak mnie dakładvajuć, vialikich złoŭžyvańniaŭ u hetaj śfiery nie dapuščana. Razam z tym u śviecie ŭžo vypracavalisia peŭnyja praviły, nakiravanyja na praduchileńnie lehalizacyi złačynnych dachodaŭ, niedapuščeńnie finansavańnia teraryzmu i vyklučeńnie pieradumoŭ da roznaha rodu kryminalnaj dziejnaści. Tamu ŭrad, KDK, Nacbank prapanujuć udakładnić niekatoryja pałažeńni zakanadaŭstva i ŭstalavać nieabchodny ŭzrovień kantrolu nad novaj śfieraj finansavych apieracyj. Heta pieršy błok pytańniaŭ», — skazaŭ Łukašenka.
Jon dadaŭ, što aznajomiŭsia z dakładam urada. Rychtujecca kompleksny ukaz, jaki dazvolić zasiarodzić najaŭnyja resursy na niekalkich klučavych napramkach. Budzie stvorany adziny orhan dziaržaŭnaha rehulavańnia, maksimalna vykarystoŭvać vopyt Kitaja ŭ pabudovie ličbavaha hramadstva».
