Сёння на нарадзе ў Аляксандра Лукашэнкі абмяркоўваюць праекты прававых актаў, накіраваных на спыненне незаконных фінансавых аперацый у сферы высокіх тэхналогій, піша БелТА.
«Я запрасіў вас, каб выпрацаваць рашэнні, якія стаяць на стыку двух светаў — лічбавага і фінансавага», — сказаў Лукашэнка, адкрываючы нараду.
«Сёння сусветныя тэндэнцыі такія, што «лічба» ў літаральным сэнсе пранікае ў кожны дом. Дзеянні, а часам і проста публічныя заявы кіраўніцтва лічбавых гігантаў сталі істотна ўплываць на традыцыйныя галіны: аўтамабілебудаванне, транспарт, лагістыку, паслугі, касмічныя распрацоўкі і гэтак далей».
«У некаторых краінах інструменты IT-карпарацый актыўна і непрыкрыта выкарыстоўваюцца ў палітычных працэсах (нам гэта знаёма). Тыя, хто выпусціў усе гэтыя працэсы з-пад кантролю, зараз пажынаюць адпаведны плён», — дадаў Лукашэнка.
Ён растлумачыў, што на нарадзе будзе разглядацца адна са сфер, куды лічбавая трансфармацыя пранікла вельмі глыбока, — фінансавыя адносіны.
«Выкарыстанне лічбавых знакаў (токенаў) і крыптавалют стала штодзённым у многіх краінах свету. Іх прымаюць у якасці дадатковага аплатнага сродку нароўні з традыцыйнымі грашыма. У 2017 годзе мы першыя ў свеце спецыяльным дэкрэтам стварылі прававыя ўмовы для развіцця гэтых тэхналогій у Беларусі», — сказаў Лукашэнка.
«Як мне дакладваюць, вялікіх злоўжыванняў у гэтай сферы не дапушчана. Разам з тым у свеце ўжо выпрацаваліся пэўныя правілы, накіраваныя на прадухіленне легалізацыі злачынных даходаў, недапушчэнне фінансавання тэрарызму і выключэнне перадумоў да рознага роду крымінальнай дзейнасці. Таму ўрад, КДК, Нацбанк прапануюць удакладніць некаторыя палажэнні заканадаўства і ўсталяваць неабходны ўзровень кантролю над новай сферай фінансавых аперацый. Гэта першы блок пытанняў», — сказаў Лукашэнка.
Ён дадаў, што азнаёміўся з дакладам урада. Рыхтуецца комплексны указ, які дазволіць засяродзіць наяўныя рэсурсы на некалькіх ключавых напрамках. Будзе створаны адзіны орган дзяржаўнага рэгулявання, максімальна выкарыстоўваць вопыт Кітая ў пабудове лічбавага грамадства».
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары