Pra heta namieśnik ministra ŭnutranych spraŭ, kamandujučy ŭnutranymi vojskami Mikałaj Karpiankoŭ zajaviŭ Tut.by padčas pramoj linii. Žurnalist pacikaviŭsia mierkavańniem pra Stanisłava Łupanosava, jaki dzialiŭsia infarmacyjaj z «Bajpołam».
Mikałaj Karpiankoŭ z dubinkaj siarod hrupy ludziej u formie i maskach biez apaznavalnych znakoŭ, 2020 hod. Fota Svaboda.org
— Ci možacie vy paćvierdzić, toje, što jon raspaviadaŭ: što z hetaha adpaviadaje rečaisnaści?
— Tak šmat na hetuju temu havaryli, što dadać praktyčna niama čaho. Mnie patłumačyć z hetaj nahody asabliva niama čaho. A Łupanosaŭ — zdradnik. Pa telebačańni byŭ dobry film.
— Raniej u MUS kazali, što infarmacyja, jakaja pastupaje ad BYPOL, — niapraŭda. Ale potym skazali, što Łupanosaŭ źlivaŭ infarmacyju. Albo heta niapraŭda, albo jon jaje źlivaŭ?
— Maje pramyja telefonnyja linii tyčacca Unutranych vojskaŭ. Zvyčajna telefanujuć baćki — cikaviacca peŭnymi pytańniami bytu, kali jość jakija-niebudź prablemy ŭ dziaciej. A takija dvuchsensoŭnyja pytańni nie chočacca kamientavać. Usio pa centralnym biełaruskim telebačańni pakazana. Źviartajciesia da biełaruskaha telebačańnia, presy, kamientataraŭ narmalnych, žurnalistaŭ, jakija dajuć raskłady.
Łupanosaŭ — vorah i zdradnik našaj dziaržavy. Mnie bolš niama čaho adkazać z hetaj nahody.
Kamientary