Siłaviki ŭ Minsku nie dali sabracca na akcyju pratestu. Ludziej zatrymlivali previentyŭna
U stalicy nazirajecca vialikaja prysutnaść śpiectechniki, siłavikoŭ. Zatrymańni adbyvajucca i ŭ rehijonach.
Siłaviki nie dali sabracca ludziam u Minsku na akcyju pratestu. Ludziej na vulicach i ŭ dvarach zatrymlivali previentyŭna.
U Minsku ŭ rajonie miesca zboru demanstrantaŭ sistemna zatrymlivali taksama reparcioraŭ niedziaržaŭnych vydańniaŭ. Siarod zatrymanych — redaktary i fotareparciory «Našaj Nivy» i Tut.by.
Masavyja zatrymańni adbylisia siońnia taksama ŭ Navahrudku, a pieratrusy — u Salihorsku, dzie jany zakranuli stačkamaŭcaŭ «Biełaruśkalija», a taksama ŭ mastaka Alesia Puškina ŭ Babry Krupskaha rajona.
Ź inšych padziej dnia: syn Uładzimira Makieja, były dypłamat, raskrytykavaŭ učarašniuju zajavu MZS na adras ZŠA: «Mnie sumna, što maje byłyja kalehi, da mnohich ź jakich ja adčuvaju ščyryja siabroŭskija pačućci, vymušanyja mirycca ź situacyjaj, pry jakoj niemahčyma svabodnaja stvaralnaja tvorčaść. Vielmi chaciełasia b, kab u hety zadušlivy čas prafiesijanały zachavali svaje viedy, navyki, vopyt i maralnyja aryjenciry. Jany nam usim jašče spatrebiacca», — napisaŭ jen u LinkedIn.
Voś chranałohija padziej dnia.
19:30
Adpuščanyja z RUUS redaktary Tut.by Hanna Kałtyhina i Halina Ułasik.
19:20
Naša žurnalistka Kaciaryna Karpickaja na voli. Fatohraf Nadzieja Bužan taksama. Paśla 21:20 adpuścili i Jahora Marcinoviča. Ale z dvuma pratakołami: niepadparadkavańnie i ŭdzieł u niezakonnym masavym mierapryjemstvie.
17:10
Pavodle milicyi, siońnia byli zatrymanyja bolš za 100 čałaviek.
16:15
Na vulicy Bahdanoviča sihnalać mašyny.
15:45
15:40
U siońniašnim praŭładnym aŭtaprabiehu ŭ rajonie płoščy Banhałor brali ŭdzieł mašyny sa ściahami «DNR».
15:33
U MUS zajavili, što «va ŭsich rehijonach krainy nie zafiksavana nivodnaha niesankcyjanavanaha masavaha mierapryjemstva».
«Małalikija hrupy ź niezarehistravanaj simvolikaj zaŭvažanyja ŭ Minsku, niekatoryja pratestoŭcy dastaŭlenyja ŭ terytaryjalnyja orhany ŭnutranych spraŭ dla razboru», — havorycca ŭ paviedamleńni viedamstva.
15:31
U rajonie płoščy Banhałor zatrymanaja žurnalistka «NN» Kaciaryna Karpickaja.
15:21
U rajonie płoščy Banhałor zatrymali hałoŭnaha redaktara «Našaj Nivy» Jahora Marcinoviča i fatohrafku Nadzieju Bužan. Ich mašynu spynili daišniki. Jahora spačatku paviali na razmovu, a paśla amapaviec supravadziŭ jaho ŭ aŭtazak. Apošniaje, što napisała Nadzieja: «Pryniali».
15:10
Da płoščy Banhałor pryjechali aŭto z čyrvona-zialonymi ściahami.
14:52
Vialikaja kolkaść ludziej prahulvajecca i pa vulicy Bahdanoviča z boku Banhałor. Tut taksama prysutničaje i dziaržaŭnaja presa.
14:51
14:45
Paŭsiudna ŭ vakolicach Banhałora prahulvajucca sotni čałaviek. Usie bieź simvoliki. Kali chtości z kiroŭcaŭ pačynaje sihnalić, ludzi pakazvajuć znak salidarnaści. Narodu šmat, ale pakolki śpiectechniki niamierana, to ŭsie starajucca nie pryciahvać da siabie ŭvahu.
14:35
Zatrymanaja redaktar partała Tut.by Hanna Kałtyhina.
Zatrymanaja taksama redaktar Tut.by Halina Ułasik. Jana znachodziłasia ŭ rajonie płoščy Banhałor u adnoj z ustanoŭ hramadskaha charčavańnia.
14:32
14:25
Minčuki aburajucca, što siłaviki schapili chłopca, jaki prosta stajaŭ na prypynku.
14:20
Na płoščy Banhałor taksama pačalisia pieršyja zatrymańni. Usie čatyry padychody tudy pierakrytyja.
La Banhałora amapaŭcy vybaračna padychodziać da ludziej, pytajucca, čamu jany tut chodziać, praviarajuć sumki i prosiać pakazać telefony.
14:10
Šmat siłavikoŭ i na «Puškinskaj». Niekalki čałaviek zatrymanyja.
Paviedamlajecca pra zatrymańni ŭ rajonie stancyi mietro «Akademija navuk».
Uzdoŭž praśpiekta Niezaležnaści ad cyrka ŭ bok Pałaca Respubliki dziažurać siłaviki.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary