«Novy Čas» atrymaŭ papiaredžańni ad Mininfarma za čatyry artykuły
«Mižviedamasnaj kamisijaj zroblena vysnova ab tym, što infarmacyja, apublikavanaja ŭ haziecie «Novy čas «(N3 ad 2021/01/22 i N 4 ad 2021/01/29), spryjaje naniasieńniu škody nacyjanalnym intaresam Respubliki Biełaruś. Ministerstva infarmacyi patrabuje vypravić parušeńni ŭ nastupnym numary i prainfarmavać pra heta ministerstva», — havorycca ŭ liście viedamstva.
U parušeńnie vyšej ukazanaha artykuła Zakona ab ŚMI ŭ haziecie «Novy Čas» byli raźmieščany nastupnyja artykuły:
«Čamu dyjałohu nie było, niama i nie budzie» №3, 22.01.2021 2021 h.;
«Kryminalny» 2020-ty. Jak i za što pratestoŭcy atrymlivali terminy źniavoleńnia» №3, 22.01.2021;
«Pakul mianie dapytvali, pobač zbivali ludziej, i nikora heta nie biantežyła» st. 6-7, №3, 22.01.2021;
«Hieta dla ŭłady» №4, 29.01.2021.
«Čym ža tak pieraškadžajuć niezaležnyja miedyja tym, chto ličyć siabie ŭładaj? Čamu ŭžo kolki miesiacaŭ idzie sapraŭdnaje palavańnie na niezaležnych žurnalistaŭ? Kahości admovilisia drukavać, kahości pazbavili statusu ŚMI, a kahości naohuł kinuli za kraty. Za što? Za praŭdu. Praŭda siońnia i jość najhoršaje złačynstva. Asabliva, kali jaje chočuć viedać miljony, — kamientuje list hałoŭny redaktar «Novaha Času» Aksana Kołb.
— Mininfarm patrabuje «likvidavać nazvanyja parušeńni pry vypusku čarhovaha numara haziety «Novy Čas», ab čym prainfarmavać Ministerstva infarmacyi nie paźniej za 5 krasavika 2021 hoda». Jak ich likvidavać, nie skazana. Ci to adklikać usie asobniki haziety i spalić? Ci napisać, što ŭ hetych artykułach usio nie praŭda? A jašče cikava, što ad hetaha źmienicca. Dziaŭčyna Palina, jakaja prajšła praz maralnyja i fizičnyja katavańni, raptam zachvareje na amnieziju? Šmatlikija absurdnyja prysudy apošniaha času raptam stanuć zakonnymi? Kali tak, to, šanoŭnyja čytačy, ličycie, što ŭsio, što vy ŭbačyli ŭ vyšejzhadanych artykułach u №3 i № 4 «Novaha Času», moža spryjać naniasieńniu škody nacyjanalnaj biaśpiecy, tamu lepš zabudźcie, nikomu nie raskazvajcie i bolš nie čytajcie.
Chacia mnie zdajecca, što škodu nacyjanalnym intaresam majoj lubimaj Biełarusi nanosiać zusim inšyja dziejańni».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary