Što sučasnaja navuka prapanuje tym, chto drenna čuje
Šmat chto ź ludziej, jakija majuć prablemy sa słycham, saromiejucca karystacca słychavymi aparatami. Heta źviazana z tym, što zvyčajna takija pryłady byli vielizarnymi i niazručnymi, ale ciapier usio źmianiłasia.
Siońnia možna vybirać pamiž maleniečkimi pryładami, jakija ciažka zaŭvažyć u vuchu, i aparatami, padobnymi da zvyčajnych biespravadnych navušnikaŭ. Isnujuć navat admysłovyja prahramy dla ajfonaŭ, jakija pracujuć sa zvyčajnymi navušnikami i nie patrabujuć dadatkovaha abstalavańnia.
Nikoli raniej ludzi, jakija majuć prablemy sa słycham, nie mieli stolki mahčymaściaŭ dla vypraŭleńnia situacyi. Varta imi karystacca, kab palepšyć jakaść žyćcia, bo stratu słychu časta źviazvajuć z pavyšanaj ryzykaj depresii i źnižeńniem intelektu. Ale vielmi važna znajści pravilnuju matyvacyju dla siabie, kab kupleny słychavy aparat nie zastaŭsia lažać u šufladcy. Taksama treba vyznačyć, dla čaho kankretna vam patrebny słychavy aparat, i padbirać jaho z ulikam svaich met, raspaviadaje The Wall Street Journal.
Navat słuchaŭki AirPods Pro ad kampanii Apple mohuć zrabić cichija huki bolš hučnymi. Taksama isnujuć prahramy, jakija pracujuć ź inšymi pryładami, naprykład, sa słychavymi aparatami, i dapamahajuć adździalić maŭleńnie ad šumu.
Samyja sučasnyja słychavyja aparaty źniešnie nahadvajuć elehantnyja navušniki dla prasłuchoŭvańnia muzyki. Šmat ź ich ciapier majuć vyličalnyja charaktarystyki smartfonaŭ, kab z dapamohaj mašynnaha navučańnia dać karystalnikam mahčymaść źmianiać nałady ŭ zaležnaści ad umoŭ pracy, u toj čas kali staryja aparaty prosta rabili ŭsie huki hučniej.
Heta pracuje pry dapamozie śpiecyjalnych mabilnych prahram. Ale vytvorcy słychavych aparataŭ viedajuć, što pažyłyja ludzi majuć ciažkaści z vykarystańniem takich prahram. Tamu niekatoryja madeli aparataŭ pracujuć i bieź ich, ale ŭ takim vypadku ludzi nie mohuć atrymać usie bonusy ad adaptacyi aparata pad ich patreby.
Ciapier čytajuć
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary