Kiraŭnik MZS RF Siarhiej Łaŭroŭ asudziŭ rašeńnie arhanizataraŭ «Jeŭrabačańnia» nie dapuścić Biełaruś da ŭdziełu ŭ konkursie, nazvaŭšy ich dziejańni ahidnymi, piša TASS.
«Havoračy ab revalucyjach, uklučajučy kulturnuju, vielmi pakazalny konkurs «Jeŭrabačańnie». Toje, što jany ciapier robiać ź biełarusami, — heta ahidna. To-bok heta cenzura čystaj vady: «Pakolki my — niezrazumieła jakija, niejkija ananimnyja ludzi — u hetaj pieśni ŭhledžvajem niejkija namioki, my vas nie puskajem, davajcie inšuju». Dajuć inšuju pieśniu, i toje ž samaje. Nu što heta za mastactva, što heta za kultura, što heta za demakratyja?» — skazaŭ ministr u intervju pieradačy «Vialikaja hulnia» na Pieršym kanale.
Pa jaho słovach, padobnaje rašeńnie arhanizataraŭ «Jeŭrabačańnia» źjaŭlajecca jaskravym prykładam taho, što ź siabie ciapier ujaŭlaje jeŭrapiejskaja kultura.
Nahadajem, što 26 sakavika arhanizatary «Jeŭrabačańnia» zajavili, što pradstaŭlenaja Biełaruśsiu pieśnia nie adpaviadaje praviłam, tamu kraina nie budzie ŭdzielničać u konkursie.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary