U Kupałaŭskim parku Miensku adbyłasia śviatočnaja impreza, prymierkavanaja da 124-j hadaviny z dnia naradžeńnia Janki Kupały. Impreza była arhanizavanaja litaraturnym muzejem paeta pry ŭdziele pradstaŭnikoŭ tvorčaj intelihiencyi j mienskich školnikaŭ.
U Kupałaŭskim parku Miensku adbyłasia śviatočnaja impreza, prymierkavanaja da 124-j hadaviny z dnia naradžeńnia Janki Kupały. Impreza była arhanizavanaja litaraturnym muzejem paeta pry ŭdziele pradstaŭnikoŭ tvorčaj intelihiencyi j mienskich školnikaŭ.
Stałyja j junyja prychilniki tvorčaści Janki Kupały ŭskłali da pomnika bieł-čyrvona-biełyja kvietki. Paet Vasil Žukovič pračytaŭ vieršy, bard Piatro Rusaŭ vykanaŭ pieśni, napisanyja na słovy paeta. Dyrektar muzeju Siarhiej Viečar kaža, što ŭračystaść prajšła ścipła, bo vialikaja kolkaść prychilnikaŭ Kupałavaj tvorčaści pryzvyčaiłasia da śviata, jakoje štohod adbyvajecca na radzimie paeta ŭ Viazyncy.
(Viečar: ) «U nas rekord naviedvańnia ŭ Viazyncy. I my čakajem, što j zaŭtra bahata ludziej pryjedzie ŭ Viazynku. Bo nadvorje spryjalnaje, a prahrama cudoŭnaja. Sioleta my zaprašajem šmat bardaŭ, maładych paetaŭ, a ŭ Maładečnie ŭvohule skłaŭsia konkurs – chto budzie vystupać u Viazyncy».
Mastak Mikoła Kupava padčas pramovy nahadaŭ, što aŭtar viadomaha vokliču «Žyvie Biełaruś» – Janka Kupała. I kali b ułady šanavali nacyjanalnuju ideju, to dzień naradžeńnia paeta moh by stać vydatnaj padziejaj u žyćci krainy, kaža spadar Kupava.
(Kupava: ) «Radyjo Svaboda na hetym tydni abviaściła pytańnie: jakija śviaty mohuć abjadnać nacyju? Dyk voś mienavita śviaty, jakija byli achryščanyja nacyjanalnaj idejaj: 25 sakavika, 8 vieraśnia, dzień naradžeńnia Janki Kupały dy inšych vialikich dziejačoŭ. Heta ŭsio tyja śviaty, jakija pavinny abjadnoŭvać nacyju».
Dahetul zastajecca niapeŭnym los pomnika Janku Kupału ŭ Maskvie. Nahadaju, što pavodle mižuradavych damoŭlenaściaŭ jaho planavali adkryć jašče da 120-hadovaha jubileju paeta ŭ 2002 hodzie. Manument byŭ ustanoŭleny minułaj vosieńniu, i jaho adkryćcio planavałasia da 10-hodździa biełaruska-rasiejskaj intehracyi 2 krasavika. Adnak hetaha nie adbyłosia, i kali projdzie takaja ŭračystaść, nieviadoma, kaža dyrektar Kupałaŭskaha muzeju Siarhiej Viečar.
(Viečar: ) «Pavinna być sustreča dvuch prezydentaŭ. Voś jak adkryvali pomnik Abaju – Nazarbajeŭ i Pucin. Takoje ž adkryćcio pavinna być i tut. Ale pakul što niama takich sustreč, a heta my ŭžo nia viedajem čamu. Tamu, ja tak razumieju, i nie pryznačana data ŭračystaha adkryćcia».
Pavodle Siarhieja Viečara, Ministerstva kultury Biełarusi padtrymała ideju pastavić kopiju maskoŭskaha pomnika ŭ muzei Janki Kupały ŭ Miensku. Planujecca, što heta adbudziecca ŭ nastupnym hodzie – da 125-hodździa pieśniara.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku14
Kamientary