Haspadar indykoŭ prajhraŭ u sudzie haspadaru aŭto: ptuški padziaŭbli mašynu na $1000
Sud Vietkaŭskaha rajona razhledzieŭ trahikamičnuju hramadzianskuju spravu ab kampiensacyi majomasnaj škody.
21 žniŭnia 2020 hoda mužčyna pryparkavaŭ aŭtamabil kala doma ŭ adnoj ź viosak Vietkaŭskaha rajona. A praz dva dni zaŭvažyŭ, što mašynu… padrapali indyki.
Ptuški naležali susiedu. Ale toj navat ahladać paškodžanuju mašynu admoviŭsia, «admaŭlajučy fakt jaje paškodžańnia indykami».
Tady haspadar aŭtamabila vyklikaŭ milicyju.
«Zhodna z zaklučeńniem ab acency pamier škody, pryčynienaj transpartnamu srodku z ulikam PDV skłaŭ 3 059 rubloŭ 49 kapiejek.
U sudovym pasiadžeńni było vyznačana, što charaktar i łakalizacyja paškodžańniaŭ całkam adpaviadajuć pradstaŭlenym fotamateryjałam i tłumačeńniam pazoŭnika pra abstaviny ich pryčynieńnia», — paviedamlaje pres-słužba Viarchoŭnaha suda.
U vyniku patrabavańni byli zadavolenyja častkova. Z haspadara spahoniać 2 549 rubloŭ 58 kapiejek.
Rašeńnie ŭstupiła ŭ zakonnuju siłu.
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami4
Kamientary