Bajden ab viartańni amierykanskich vojskaŭ z Afhanistana: «Para dadomu»
Prezydent ZŠA Džo Bajden u sieradu abviaściŭ ab chutkim zaviaršeńni 20-hadovaj prysutnaści amerykanskich vojskaŭ u Afhanistanie, piša «Radyjo Svaboda».
U svajoj pramovie, źmiest jakoj pieradaŭ telekanał CNN, jon zajaviŭ:
«My ŭvajšli ŭ Afhanistan paśla žachlivaha napadu, jaki adbyŭsia 20 hadoŭ tamu. Heta, adnak, nie tłumačyć, čamu nam varta zastavacca tam u 2021 hodzie. Ja čaćviorty amerykanski prezydent, jaki kiruje prysutnaściu vojskaŭ u Afhanistanie, i nie źbirajusia pieradavać hetuju adkaznaść piatamu. Čas pakłaści kaniec samaj praciahłaj vajnie z usich, što viała Ameryka. Para amerykanskim vojskam viartacca dadomu».
Jak čakajecca, apošni amerykanski vajskoviec pakinie Afhanistan da 11 vieraśnia — hadaviny teraktu ŭ Ńju-Jorku.
Hieneralny sakratar NATO Jens Stołtenberh, jaki taksama vystupiŭ u sieradu, zajaviŭ, što vajskoŭcy inšych krainaŭ NATO, jakija zastajucca ŭ Afhanistanie, taksama buduć vyviedzienyja z krainy na praciahu niekalkich miesiacaŭ.
U 2011 hodzie kolkaść vojskaŭ ZŠA ŭ Afhanistanie pieravyšała 100 tysiač čałaviek, tym časam jak ciapier jana składaje kala 2,5 tysiač. Ahulnaja kolkaść pradstaŭnikoŭ vajskovaha kantynhientu krain NATO — mienš za dziesiać tysiač.
Administracyja papiarednika Džo Bajdena Donalda Trampa paśla dasiahnieńnia damoŭlenaściaŭ z afhanskim radykalnym rucham «Taliban» pryznačyła krajni termin dla vyvadu vojskaŭ — 1 traŭnia. Kamanda Bajdena vyrašyła ŭziać adterminoŭku, spasyłajučysia na toje, što zanadta rezkaje zhortvańnie vajskovaj prysutnaści pastavić pad pahrozu amerykanski i sajuzny kantynhient. U amerykanskaj administracyi paabiacali dać talibam «rašučy adkaz» u vypadku praciahu ahresii suprać amerykanskich vajskoŭcaŭ.
Złučanyja Štaty pačali aperacyju ŭ Afhanistanie nieŭzabavie paśla teraktaŭ 11 vieraśnia 2001 hodu — paśla taho jak taliby, jakija kantralavali tady bolšuju častku terytoryi krainy, admovilisia vydać arhanizatara teraktaŭ Usamu bin Ładena.
Ciapier čytajuć
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary