Fota pixabay.com
U asnoŭnym iviermiektyn užyvajuć dla lačeńnia takich chvarob, jak karosta. Hety preparat taksama vykarystoŭvajecca ŭ baraćbie z malaryjaj i vošami, pryčym spačatku jaho ŭžyvali ŭ vieterynarnaj miedycynie. U svoj čas iviermiektyn mocna dapamoh u baraćbie z parazitarnym zachvorvańniem onchacarkoz, jakoje było sapraŭdnym biedstvam dla Zachodniaj Afryki, raspaviadaje Le Monde.
Dźvie jeŭrapiejskija krainy — Słavakija i Čechija — užo dali dazvoł na časovaje vykarystańnie iviermiektyna dla lačeńnia kavidu. Ale niekatoryja paŭdniovaamierykanskija i paŭdniovaafrykanskija krainy taksama ŭžyvajuć iviermiektyn z hetymi metami, i jon zrabiŭsia papularnym siarod nasielnictva. U niekatorych indyjskich štatach jaho taksama vykarystoŭvajuć.
Aŭstralijskaje daśledavańnie, praviedzienaje ŭ krasaviku minułaha hoda, pakazvaje, što iviermiektyn u łabaratornych umovach strymlivaje virus SARS-CoV-2. Uviesnu minułaha hoda jašče adno daśledavańnie na hetuju temu było zroblena ŭ Francyi. Pacyjentam internata dla sastarełych u departamiencie Siena i Marna ŭ toj čas davali iviermiektyn jak leki suprać karosty. Paźniej vyśvietliłasia, što siarod tych, chto atrymaŭ preparat, było mienš infikavanych karanavirusam.
Byli i inšyja pracy navukoŭcaŭ nakont efiektyŭnaści iviermiektyna, ale pakul što infarmacyi nie chapaje dla kančatkovych vysnoŭ. Bolšaja častka daśledavańniaŭ, jakija pryvodziać prychilniki preparata, źjaŭlajucca papiarednimi i patrabujuć pravierki. Z kliničnymi vyprabavańniami iviermiektyna taksama źviazana šmat prablem: zanadta mała daśledavańniaŭ praz vypadkovuju vybarku, nie chapaje abjektyŭnych i vymiernych kryteryjaŭ i hetak dalej. U dadatak padčas niekatorych ispytaŭ vykarystoŭvalisia našmat bolšyja dozy preparata, čym dazvolena prymać ludziam.
SAAZ pakul što naściarožana stavicca da iviermiektyna i rekamienduje paźbiahać jaho masavaha vykarystańnia ŭ baraćbie z kavidam, pakul nie źjavicca novaja infarmacyja. Jeŭrapiejskaje ahienctva lekaŭ taksama rekamienduje pakul što ŭžyvać iviermiektyn tolki dla kliničnych vyprabavańniaŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)