U dziaržarchivie nie znajšli fota i videa časoŭ Druhoj suśvietnaj vajny, na jakich akupanty lutujuć pad BČB-ściahami
U fondach Biełaruskaha dziaržaŭnaha archiva kinafotadakumientaŭ nie znajšli fota- i kinadakumientaŭ, dzie ludzi z BČB-ściaham katujuć i zabivajuć. Pra heta havorycca ŭ adkazie z archiva, jaki atrymaŭ vajenny ekśpiert Jahor Lebiadok na svoj zapyt.
Jon adpraviŭ u archiŭ zapyt z prośbaj skłaści śpis najaŭnych u archivie fota - i kinadakumientaŭ za pieryjad 1939—1946 hadoŭ z vyjavaj ludziej pad bieł-čyrvona-biełym ściaham abo hierbam «Pahonia», jakija achoŭvajuć, kanvajujuć, katujuć abo zabivajuć inšych ludziej.
«Paviedamlajem vam, što ŭ fondach archiva fota - i kinadakumientaŭ pa temie, jakaja cikavić Vas, nie vyjaŭlena», — havorycca ŭ adkazie archiva, jaki apublikavaŭ Lebiadok na svajoj staroncy ŭ fejsbuku.
Lebiadok rastłumačyŭ, što napisaŭ zapyt u archiŭ, bo padobnych fota - i kinadakumientaŭ nie sustrakaŭ i raniej.
«Viedaju, što jość uspaminy, fota kasak, i dapuskaju, što takoje mahło być nie maštabna — vajna ŭsio ž taki, tam i svaje svaich stralajuć, ale kina - i fotadakumientaŭ pakul nie bačyŭ», — napisaŭ jon.
Što zapisana aficyjnaj pryčynaj śmierci adzinaha syna Jarmošynaj?5
Kamientary