У дзяржархіве не знайшлі фота і відэа часоў Другой сусветнай вайны, на якіх акупанты лютуюць пад БЧБ-сцягамі
У фондах Беларускага дзяржаўнага архіва кінафотадакументаў не знайшлі фота- і кінадакументаў, дзе людзі з БЧБ-сцягам катуюць і забіваюць. Пра гэта гаворыцца ў адказе з архіва, які атрымаў ваенны эксперт Ягор Лебядок на свой запыт.
Ён адправіў у архіў запыт з просьбай скласці спіс наяўных у архіве фота - і кінадакументаў за перыяд 1939—1946 гадоў з выявай людзей пад бел-чырвона-белым сцягам або гербам «Пагоня», якія ахоўваюць, канваююць, катуюць або забіваюць іншых людзей.
«Паведамляем вам, што ў фондах архіва фота - і кінадакументаў па тэме, якая цікавіць Вас, не выяўлена», — гаворыцца ў адказе архіва, які апублікаваў Лебядок на сваёй старонцы ў фэйсбуку.
Лебядок растлумачыў, што напісаў запыт у архіў, бо падобных фота - і кінадакументаў не сустракаў і раней.
«Ведаю, што ёсць успаміны, фота касак, і дапускаю, што такое магло быць не маштабна — вайна ўсё ж такі, там і свае сваіх страляюць, але кіна - і фотадакументаў пакуль не бачыў», — напісаў ён.
-
Беларусы, якім не ўдалося атрымаць адукацыйныя дакументы на радзіме, могуць паступаць у польскія ВНУ па спецыяльнай працэдуры
-
Беларуска працаўладкавалася ў кандытарскую краму. Але высветлілася, што за наведванне туалета ёй трэба плаціць
-
Караеў ужо набраў на Гродзеншчыне першы ўзвод нядбайных аграрыяў
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары