Ucioki daktaroŭ praciahvajucca. Karłaŭ univiersitet pryniaŭ 8 studentaŭ-miedykaŭ ź Biełarusi, siarod jakich vydatniki vučoby
Hrupa prybyła ŭ Čechiju paru tydniaŭ tamu, pieravažna heta studenty apošnich kursaŭ z vydatnymi zalikoŭkami. Paśla karancina jany prachodziać moŭnyja kursy, kab vučycca pa-češsku.
Pasialili ich u internacie, abiacajuć płacić stypiendyju z kastryčnika, kali pačniecca vučoba.
Emihranty pieravažna bajacca ci nie chočuć kamientavać situacyju adkryta.
«Chtości tut, bo na Radzimie źjaŭlajecca padazravanym pa kryminalnaj spravie, kamuści pahražali asablivym «šancavańniem» na raźmierkavańni i hetak dalej. Nakont poŭnaha supadzieńnia śpiecyjalnaściaŭ jašče nieviadoma, nas zaličać na lekarski fakultet, da kanca žniŭnia my budziem vučyć movu», — skazaŭ nam student 5 kursa Alaksandr, jaki dahetul bačyŭ svaju budučyniu ŭ biełaruskaj navucy. Siaredni bał jaho biełaruskaj zalikoŭki — «vyšejšy za 8».
«Paśla zatrymańniaŭ i kryminalnych spravaŭ va ŭniviersitecie skłałasia ciažkaja atmaśfiera, u mianie nie było pačućcia abaronienaści, nie stała ŭpeŭnienaści ŭ zaŭtrašnim dni, — kaža inšaja studentka, treciakurśnica Safija. — U Biełarusi mnie vielmi padabalisia i pradmiety, i vykładčyki, ale mnohaje źmianiłasia za minuły hod. Svaju budučyniu jak bačyła jak zvyčajny małady doktar: raźmierkavańnie i rabota ŭ klinicy. Spadziajusia, što ŭ lubym razie my ŭsie staniem śpiecyjalistami i realizujemsia, a kali ŭ krainie buduć źmieny da lepšaha, to ja viarnusia».
Naturalna, hetaja historyja viadomaja i abmiarkoŭvajecca va ŭniviersiteckich kołach.
Adzin z vykładčykaŭ, jaki vykładaŭ u hetych studentaŭ, apisaŭ ich słovam «cudoŭnyja» i vykazaŭ škadavańnie, što vydatniki źjazdžajuć.
Čytajcie taksama: «Zvalniajučy takich ikon, jak Mročak i Martaŭ, sistema paskaraje adjezd tych, chto jaho adkładvaŭ»: čysty adtok miedykaŭ tolki za studzień — 724 čałavieki
Čytajcie taksama. Emihracyja miedykaŭ z RNPC ankałohii nabyvaje tryvožny maštab: «Zona kamfortu źniščana ludźmi ŭ čornym»
Čytajcie taksama. «Interny viaduć najciažejšych pacyjentaŭ»: vopytnyja daktary raźbiahajucca z RNPC dziciačaj ankałohii i hiematałohii, sačyć za paradkam dasłali śpiecsłužbista
-
«Kučaravieńkaja, ź flejtaj»: Sieviaryniec raskazaŭ, pra ŭdzieł Maryi Kaleśnikavaj u Maładym froncie
-
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
-
Pavieł Sieviaryniec raskazaŭ, što dumaje pra ahienta KDB u šerahach svajoj partyi Jaŭhiena Dudkina
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka7
Kamientary