Siamaška: Unifikacyja padatkovaha i mytnaha zakanadaŭstva z Rasijaj zapatrabuje 2—2,5 hoda
A jašče treba padvieści zakanadaŭčuju bazu da kožnaha z 28 kirunkaŭ intehracyi.
Biełaruś i Rasija dastatkova blizkija da taho, kab stvaryć ekanamičnuju płatformu sajuznaj dziaržavy, zajaviŭ biełaruski pasoł Uładzimir Siamaška padčas uskładańnia vianka da mahiły Nieviadomaha sałdata ŭ Maskvie, piša BiełTA.
Dypłamat adznačyŭ, što z 28 darožnych kartaŭ dla «pahłybleńnia intehracyi» 26 uzhodnienyja abodvuma bakami (raniej havorka viałasia pra 31 kartu). Apošnija dźvie karty, pavodle Siamaški, uzhodniać u vieraśni-kastryčniku.
Darožnyja karty, patłumačyŭ Siamaška, heta «płan dziejańniaŭ, kirunkaŭ — adzinaja pramysłovaja i ahrarnaja palityka, adziny rynak nafty, hazu, elektraenierhii i h. d. Ahułam — 28 kirunkaŭ. I da kožnaha treba padvieści zakanadaŭčuju bazu».
Samaja ž składanaja zadača — unifikacyja padatkovaha i mytnaha zakanadaŭstvaŭ. Na heta moža spatrebicca 2-2,5 hoda, skazaŭ Siamaška.
Čytajcie taksama: «Zastałosia jak by dźvie karty». Siamaška kaža, što termin padpisańnia ssunuŭsia na paŭhoda
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary