Punkt vakcynacyi ad kavidu ŭ «Ekspabiele» — usio. Pryščepki bolš rabić nie buduć
Pradstaŭniki HC «Ekspabieł» paviedamili Tut.by, što ŭ centry vakcynacyi z 19 maja pa rašeńni miedykaŭ spyniajuć rabić pryščepki ad COVID-19. Centr adkryŭsia 8 maja.
![](http://nnexpictures.fra1.digitaloceanspaces.com/img/w732d4webp1/photos/z_2021_05/vaccin-xo84z.jpg.webp)
Płanavałasia, što punkt u «Ekspabiele», jaki byŭ padrychtavany da pracy miedpiersanału za košt handlovaha centra, budzie pracavać štodnia z 10 ranicy da 9 viečara i prymać zmoža ŭsich achvotnych, jakija pa roznych pryčynach nie mohuć vakcynavacca ŭ svajoj paliklinicy.
Ad miedykaŭ Minskaj centralnaj rajonnaj kliničnaj balnicy zaležali pastaŭki vakcyny i miedyčnaje supravadžeńnie pracesu.
Kali vyśvietliłasia, što adkryćcio Centra vakcynacyi vyklikała ažyjataž, dla zručnaści arhanizavali papiaredni zapis zamiest žyvoj čarhi.
Ciapier u zapisie admaŭlajuć: žadajučych adpraŭlajuć na pryščepku ŭ palikliniki pa miescy žycharstva.
U «Ekspabiele», spasyłajučysia na słovy miedycynskich supracoŭnikaŭ, raspaviali: rašeńnie orhanaŭ achovy zdaroŭja abumoŭlena tym, što pracedura pa vakcynacyi «patrabuje śpiecyjalnych umoŭ, jakija mohuć być zabiaśpiečany tolki ŭ miedycynskich ustanovach».
Pry hetym naviedvalnikaŭ, jakija zapisalisia raniej (zapis sfarmiravany da 18 maja), paprasili nie chvalavacca: vakcynacyja im budzie praviedziena. Tut ža — u «Ekspabiele» — uviaduć druhi kampanient vakcyny tym, chto paśpieŭ prystupić da pracedury ŭ pieršyja dni pracy centra.
-
Łukašenka: Paśla abvastreńnia stanovišča na miažy ŭ vajenkamaty źviarnulisia tysiačy dobraachvotnikaŭ
-
Top-7 novaŭviadzieńniaŭ amnistyi-2024 — palohka žančynam, asudžanym za narkotyki ci zabojstva, u jakich jość dzieci
-
Łukašenka: Siońnia nas sprabuje vučyć uvieś Jeŭrasajuz na čale sa Złučanymi Štatami
Čatyrochhadovaja Maja Lubimcava, jakuju šukali bolš za sutki, zahinuła
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Kamientary