Viktoryja Azaranka
Biełaruskaja tenisistka Viktoryja Azaranka vyjšła ŭ čverćfinał «Uimbłdonu». Za vychad u hetuju stadyju jana ŭ ciažkim trochsetavym pajadynku pieramahła rasijanku Nadziu Piatrovu.
Pierad hulnioj supiernicy znachodzilisia pobač u rejtynhu WTA. Vika była vośmaj, Nadzia — dziesiataja. Tenisistki trojčy sustrakalisia miž saboj. Pieravaha naležyć rasijancy — 2:1.
U pieršaj partyi Azaranka vielmi chutka ŭziała padaču praciŭnicy. Što praŭda, z takoj samaj chutkaściu sastupiła i svaju. U vyniku sprava dajšła da taj‑brejku, dzie baraćba išła «punkt u punkt». Usio ž fartuna ŭśmichnułasia Vicy — 7:5.
Zdajecca, druhi set Azaranka addała Piatrovaj naŭmysna, zrazumieŭšy, što nie zmoža naviazać baraćbu — 2:6. Zatoje ŭ treciaj partyi pajšoŭ typovy žanočy tenis. Z mnostvam pamyłak i baraćboj niervaŭ. Tenisistki addavali svaje pieradačy adnu za druhoj.
Urešcie Azaranka akazałasia bolš krepkaj maralna. Joj atrymałasia nie tolki začapić čužuju padaču, ale i adstajać svaju, a potym i paŭtaryć hety fint — 6:3.
Viktoryja ŭpieršyniu vyjšła ŭ vaśmiorku macniejšych na «Umbłdonie». U čverćfinale jana sustreniecca z amierykankaj Sirenaj Uiljams.Sioleta tenisistki sustrakalisia ŭžo dvojčy. U Mielburnie Azaranka vymušana była admovicca ad baraćby praz prablemy sa zdaroŭjem, a voś u Majami biełaruska pieramahła. Jak toje budzie na hety raz?
