Sam ža Mikałaj Aŭtuchovič haładaje 76 dzion.
Žonka vaŭkavyskaha pradprymalnika Alena Aŭtuchovič pieražyła surjozny niervovy zryŭ i ciapier prachodzić kurs lačeńnia. Lačeńnie ciahniecca ŭžo kala čatyroch miesiacaŭ.
Pra heta raspavioŭ Aleh Voŭčak:
«Žonka pakul na lačeńni — u jaje vielmi ciažki zryŭ. Jana vypisała ahulnuju davieranaść na mianie, ja viadu ŭsie spravy.
Jana prosta nie ŭ stanie. Płača, pieražyvaje i molić Boha, kab sa zdaroŭjem usio było dobra».
Dazvanicca da Aleny Aŭtuchovič niemahčyma ŭžo z kanca zimy. Dačka vaŭkavyskaha pradprymalnika vučycca ŭ Polščy. Maci Mikałaja žyvie ŭ Vaŭkavysku. Žančynie bolš za 70 hadoŭ.
Haładoŭka Mikałaja Aŭtuchoviča, jakaja ciahniecca z 16 krasavika, nie tolki źjadaje zdaroŭje samoha haładoŭščyka, ale ciažka adbiłasia i na stanie samych blizkich ludziej pradprymalnika.
Advakat Pavieł Sapiełka zaznačyŭ, što faktyčna «ŭvieś čas Mikałaj Aŭtuchovič pravodzić u łožku».
Kamientary